Fear na Ríomhairí

Polaiteoirí Dhún na nGall ag baint úsáide as an idirlíon agus iad i mbun feachtas

2010-11-15T17:19:00.002Z

Le blianta beaga anuas tá polaiteoirí tar éis úsáid a bhaint as líonraí sóisialta le teagmháil a dhéanamh le lucht leanúna agus le lucht leanúna nua a mhealladh. Agus na polaiteoirí i nDún na nGall gníomhach faoi láthair bíonn níos mó agus níos mó ábhar digiteach le feiceáil.

Is dócha gurbh é Barak Obama a thosaigh an cur chuige seo agus é ag lorg ainmniúchán don fheachtas uachtarántacht i Mheiriceá. Bhí sé gníomhach le Blag a bhí aige chomh maith le líonraí sóisialta ar nós Facebook agus Twitter.

Ó shin tá polaiteoirí timpeall na cruinne tar éis páirt a ghlacadh san obair seo.

Tar éis dom beagánín taighde a dhéanamh tá sé soiléir gurbh é Pearse Doherty an polaiteoir is gníomhaí ar an idirlíon sa feachtas toghchánaíochta i nDún na nGall Thiar-Theas.

baineann Doherty úsáid as YouTube le físeáin spéisiúla a scaipeadh ar an domhain. Bíonn tráchtaireacht ar cinneadh an tArd-Chúirt le feiceáil chomh maith le polasaithe Sinn Féin.

Bíonn ar a laghad Tweet amháin in aghaidh an lae ar Twitter ag Doherty. Bíonn chuile rud á thuairisciú aige idir an íomhá a bhí ar éadas Brian Cowen agus é ag canbhásáil go dtí céard atá ar bun ag Doherty, ar an mbéalach chuig RTÉ i nDomhnach Broc don Frontline anocht is léir.

Tá leathanach Facebook á chothú ag Doherty chomh maith. Beireann an leathanch seo íomha níos daonna don iarrthóir. Chuile rud ó cén scannán is fearr leis (Toy Story, Inception, Stand By Me) go dtí cé mhéad páiste atá aige agus ainm a bhean chéile. Le cleasaíocht bheag mar seo is féidir duine a dhéanamh as polaiteoir seachas ineall atá ag obair ar son na ndaoine.

Go dtí seo níl na polaiteoirí eile ag glacadh páirt sa nuatheicneolaíocht chomh mór céanna le Doherty. Tá leathnach Facebook ag Brian Ó Domhnaill agus ag Frank McBrearty ach níl na polaitoeirí seo chomh gníomhach céanna ag uasdátú na sonraí atá acu.

Is cinnte go bhfuil an obair seo an-tábhachtach ó thaobh daoine óga a mhealladh le vóta a chaitheamh ar an 25ú den mhí seo. Beidh le feiceáil an ndéanfaidh sé seo an difríocht ar an lá.

Airm na hÉireann ag glacadh páirt i Cibear-Ghnó

2010-11-15T16:29:00.004Z

Tá airm na hÉireann ag glacadh pairt i bhforbairtí nua aimseartha ar an idirlíon. Ó bhí 2008 ann tá na Forsaí Cosanta sa tír seo ag déanamh margaíocht ag baint úsáide as Twitter, Facebook, YouTube agus Flickr.

De réir Capt. Pat O'Connor tá na huirlisí thuas luaite an-mhaith le teagmháil a dhéanamh le daoine a bhfuil spéis acu páirt a ghlacadh san airm, saoránaigh le spéis acu céard atá ar bun ag an airm agus na meáin.

Tá an airm tar éis treoracha a leagadh síos ar céard atá ceadaiteh acu ar líonraí sóisialta. Go dtí seo ní raibh aon fhadhb acu.

Bhí fadhbanna ag an airm na hÍosráille nuair a d'fhógair saighdiúir go mbeidh sé ag imeacht ar turas sa West Bank. Mar thoradh ar seo bhí orthu an turas a chealú.

Beidh Pat O'Connor ag labhairt ag an gcomhdháil meáin sóisialta "Content is King", a bheas ar siúil san RDS.

Cinneadh ag muintir na hEorpa ar cén brabhsálaí gur mhaith leo a úsáid

2010-03-02T16:42:00.002Z

Ón 1ú Marta ar aghaidh caithfidh Microsoft an cinneadh a thabhairt don úsáideoir ríomhairí faoi cén brabhsálaí idirlíon gur mhaith leo a úsáid. Tharla an forbairt seo mar gheall ar cás cúirte a bhí ag Coimisiúin na hEorpa. Go dtí seo ní raibh an darna rogha agat ach glacadh leis go mbeidh Microsoft Internet Explorer agat ar an ríomhaire mar gnáth rogha. Dá mba rud é go raibh tú ag iarraidh brabhsálaí eile bhí ort an cinneadh sin a dhéanamh tú féin.

As seo amach beidh sé riachtanach go tabharfaidh Microsoft an cinneadh duit brabhsálaí a roghnú. Ar an líosta tá 12 brabhsálaí éagsúla.

Firefox, Opera, Safari. Chrome, Sleipnir, Green Browser, Maxthon, Avant, Flock, K-meleon agus Slim.

Beidh le feiceáil cén éifeacht a bheas ag an forbairt seo do mhargadh na brabhsálaithe. Faoi láthair tá scair de 62% den mhargadh ag Microsoft agus 24% den mhargadh ag Firefox.

Déan seiceáil ar stáid na bóithre

2010-03-02T16:40:00.002Z

www.potholes.ie

Seo suíomh idirlíon nua atá ar fáil le tuairisciú a dhéanamh ar fadhbanna leis na bóithre timpeall na tíre. Leis an geimhridh crua atá tar éis a bheith againn is beag bóthar sa tír seo nach bhfuil damáiste de cineál éigin déanta air.

Ar an suíomh seo is féidir leat a sheiceáil an bhfuil droch bhóithre ar an turas atá idir lámh agat. Is féidir leat fadhb a thuairisciú má fheiceann tú fadhb le bóthar éigin.

Má dhéantar damáiste de do charr mar gheall ar droch stáid na bóithre tá comhairle ar fáil ar an suíomh seo má tá tú ag iarraidh an bille a sheoladh chuig an comhairle contae áitiúil.

Faoi láthair tá Contae Chorcaigh ag barr an líosta ó thaobh fadhbanna leis na bóithre, mar sin b’fhiú de muintir Dhún na nGall toiseacht ag tuairisciú na fadhbanna seo.

ApocolyPS3 - Briseann níos mó ná 15 milliúin Playstation 3 ag an am céanna

2010-03-02T16:36:00.002Z

Inné bhris níos mó ná 15 milliúin Playstation 3 ag an am céanna. Tharla an fabht seo don sean leagan den PS3 nó an “Fat” mar a ghlaoitear ar. Ní raibh aon fhadhb leis an leagan nua a tháinig amach i Mí Lúnasa 2009, nó an “slim”.

Tharla an fhadhb seo mar gheall gur shíl an PS3 gur bhliain bhisigh a bhí ann i 2010, cé nach é seo an chás.

De réir Sony tá an fhadhb seo deisithe anois agus gur féidir le daoine toiseacht ag baint úsáide as na meaisín lochtach arís. Sula raibh an treoir seo tugtha ag Sony an comhairle a bhí acu ná gan an PS3 a úsáid ar chor ar bith.

Beidh le feiceáil cé mhéad dochar fadtéarmach a ndéanfaidh sé seo do Playstation agus an bhfuil siad chun muinín na custaiméirí a chailleadh mar thoradh ar an eachtra seo.

Faoi láthair tá Sony Playstation i comórtas leis an Nintendo Wii agus an Microsoft Xbox 360.

Uasdátú déanta ar Gaoth Dobhair ar Google Earth

2010-02-24T12:45:00.001Z

Tá uasdátú déanta ar Google Earth le seachtain do cheantar Ghaoth Dobhair. Tá íomhánna den ceantar ar fáil ar ard caighdeán anois, rud nach raibh acu ar chor ar bith go dtí seo. Is féidir daoine aonarach a fheiceáil fiú.

Airgead a shabháil!!!

2010-02-24T12:44:00.000Z

www.saveafewbob.ie

Tá suíomh idirlíon nua ann darbh ainm saveafewbob.ie . Ar an suíomh seo bíonn eolas ar fáil ar conas airgead a shábháil ar roinnt tairgí éagsúla. I measc na gnéithe atá ann tá

Personal Finance
Family Spending
Health and Beauty
Lifestyle
Technology
Value Blog

Bíonn cuiditheoir mór le rá acu chomh maith ar nós Kevin Dundon, Laura Bermingham agus Adrian Weckler.

Chomh maith le sin bíonn slarmhargaidh na seachtaine acu chuile seachtain.

Is féidir an cur isteach leis an nuachtlitir seachtainiúil a fháil ar ríomhphost. Cuirfidh an ríomhphost seo tú ar an eolas ar céard iad na praghsanna is fearr atá ar fáil.

Ranganna Bunúsach Ríomhaireachta ar fáil ar líne

2010-02-24T12:42:00.000Z

www.homeandlearn.co.uk

Ar an suíomh idirlíon Home and Learn is féidir ranganna bunúsach ríomhaireachta a fháil ar meascán de gnéithe ar nós:

Microsoft Word

Microsoft Excel

Microsoft Powerpoint

Dearadh Gréasán

Java

Visual Basic

PHP

Tá meascán do rudaí ar fáil anseo a ligeann duit breis eolas a fháil ar rudaí bunúsach a cur i gcrích chomh maith le rudaí casta ar nós ríomhchlárú.

Má tá deacrachtaí ag aon duine leis an ceangal leathanbhanda nó diallaithe sa bhaile is féidir réiteach na faidhbe a fháil anseo.

Má tá ar duine leathanach gréasán bunúsach a chruthú, arís, tá neart eolas ar fáil anseo a cuirfidh ar cumas, fiú an tosaitheoir, leathanach bunúsach a chruthú.

www.techtutorials.net

Ar an suíomh seo tá 4509 cleachtadh idirghníomhach ar fáil saor in aisce ar chuile rud a bhaineann le ríomhaireacht. Bíonn na ranganna beaga seo chomh bunúsach le pictiúir a bhogadh ó ceamara digiteach chuig an ríomhaire nó ceol a bhogadh chuig an iPod agus chomh casta le dearadh grafach 3D a dhéanamh. Tá rud éigin anseo a shásóidh chuile duine.

App nua lainseáilteá ag RTÉ Radio Sales

2010-02-24T12:41:00.000Z

Ar suíomh idirlín RTÉ Radio Sales bíonn eolas ar fáil faoi na staitisticí JNLR is déanaí chomh maith le tairiscintí speisialta, urraíocht, costais fógraíochta. Is féidir breis eolas a fháil ag www.rte.ie/radio/advertising

Rinne RTÉ Radio Sales App nua don iPhone a lainseáil, an chéad ceann den chineál seo sa tír.

Is féidir na tairiscintí speisialta a sheiceáil ar an app seo chomh maith le rogha den fógraíocht is tarraingtí atá á ofráil ag RTÉ faoi láthair. Tá feidhm ann chomh maith gur féidir éisteacht beo leis an sruth fuaime agus faisnéis díolacháin a fháil beo tríd an “Electronic Programme Guide” ar an App.

Láimhdeachas ar “Apps” le ardú go mór i mBliana

2010-02-24T12:40:00.000Z

Tá an líon díolachán ar feidhmchláir beaga don fón póca ar a ghlaoitear “Apps” le ardú go mór i mbliana.

I measc na nithe a mbíonn á íoslódáil bíonn cluichí, siopadóireacht, líonraí sóisialta agus feidhmchláir áirgiúlachta.

Tá Apple tar éis níos mó na 3 billiúin feidhmchláir a chur ar fáil ó tosaigh sé, staitistic a thaispeánann na deiseanna atá ann sa mhargadh seo.

Le níos mó agus níos mó de na fóin seo ar fáil ó Nokia, Blackberry, Google, Palm agus Apple meastar go dtiocfaidh méadú mór ar an íoslódáil seo.

Cuireann sé seo deiseanna móra ar fáil do fiontraithe na tíre seo mar gheall go bhfuil oiread céimithe ann ar chumas acu feidhmchláir a dhearadh agus a chur ar fáil.

Déantar an-bhrabach as fógraíocht san earnáil seo chomh maith. Déantar an feidhmchlár a thairiscint saor in aisce agus an tairgead a dhéanamh as fógraíocht atá leabaithe sa feidhmchláir.

Ó thaobh an Ghaeltacht de níl aon chúis nach féidir a bheith i mbun gnó san earnáil seo le áiseanna d’ardcaighdean ar fáil agus línte teileachumarsáide ar fáil.

I measc na staitisticí atá foilsithe tá:

Láimhdeachas:

2009: $4.23 Billiúin

2010: $6.7 Billiúin

2013: $29.4 Billiúin

Éirí as úsáid a bhaint as an iPod do Carghas

2010-02-24T12:39:00.000Z

Tá eaglais na Breataine ag iarraidh ar daoine a bheith glas an Carghais seo agus earraí leictreach a thabhairt suas seachas na gnáth rudaí ar nós seacláid, le maitheas a dhéanamh don timpeallacht. Ar barr ar liosta acu tá an iPod.

I measc na daoine atá ar chúl seo tá Easpag Londain, Richard Chartres agus Easpag Learphoill, James Jones atá ag moladh gorta carbóin.

I measc na moltaí eile atá acu tá, éirí as an fón póca a úsáid, ag baint úsáide as coinnle seachas soilse leictreach, ag gearradh feoil agus glasraí níos tanaí sa chaoi gur féidir iad a chócaireacht níos gaiste.

Ionsaí déanta ar boards.ie ag duine as Latvia

2010-02-24T12:38:00.000Z

Tá ionsaí coimpléacs déanta ag duine ó Latvia ar an suíomh idirlíon Éireannach boards.ie. Baineann an-chuid daoine úsáid as an suíomh idirlíon seo le gach chineáil ábhar a phlé le daoine eile agus réiteach a fháil ar fadhbanna. Mar chuid den ionsaí rinneadh íoslódáil ar sonraí pearsanta na mílte daoine. Meastar gur gadaíocht aitheantas fadtréimhseach a bhí i gceist anseo. Tá fiosrúchan curtha ar bun ag Interpol, Gardaí na hÉireann agus Póilíní i Latvia agus an IP an duine a rinne an ionsaí aimsithe acu.

Fadhbanna leis an Apple iPad do mhargadh na hÉireann

2010-02-24T12:37:00.001Z

Tá saineolaithe tar éis a thuairisciú go bhfuil mórfhadhbanna ann don iPad sa tír seo. Mheasann siad go mbeidh an-díoma ar custaiméirí na tíre seo a tíre seo a chloisteáil nach mbeidh ar chumas muintir na hÉireann amharc ar scannáin nó cláracha teilifíse ar an iPad. Go hiondúil déantar scannáin agus na cláracha teilifíse a íoslódáil ó iTunes nó a sruthú beo ach de bharr cúrsaí ceadúnais ní bheidh na nithe seo ar fáil in Éirinn. An deacracht atá le uirlisí Apple ná go bhfuil tú glasáilte isteach san ailtireacht a ndéanann siad siúd a dhearadh.

Lá Idirlíon Slán (Safer Internet Day) – 09/02/2010

2010-02-24T12:35:00.000Z

Tharla “Safer Internet Day” inne san EU agus ghlac níos mó ná 60 tír páirt ann. Sé an seachtú lá dín cineál seo agus déanann siad iarracht tabhairt ar daoine a bheith slán agus iad ag baint úsáide as an Idirlíon.

An mana atá acu i mbliana ná “Think Before You Post”.

Tá siad ag iarradh an teachtaireacht a chur trasna chuig paistí agus déagóirí ach go háirithe, gur chóir a bheith ar an eolas faoi na dainséir atá ann ar an idirlíon agus má fheiceann tú aon rud mídhleathach ar bun ar an idirlíon ba chóir an teolas a chur ar aghaidh chuig an suíomh www.hotline.ie

Rinne an tAire Oideachais Batt O’Keefe ag lainseáil ar an feachtas seo agus mar chuid den feachtas beidh eolas á scaipeadh ar na paistí scoile timpeall na tíre faoi na dainséir a bhaineann leis an idirlíon.

Is féidir na hacmhainní uilig ar nós bileoga eolais agus póstaer a fháil ó aon leabharlann poiblí nó iad a íoslódáil ón suíomh idirlíon www.internetsafety.ie

De réir staidéir atá curtha i gcrích le déanaí tá déagóirí na tíre seo i mbaol agus iad ag baint úsáide as an idirlíon. Úsáideann 79% acu líonraí sóisialta ar nós Bebo, MySpace agus Facebook. As an líon déagóir seo deireann 62% acu nach ndéanann tuismitheoirí s’acu aon rud le iad a threorú agus iad ag baint úsáide as an idirlíon. Cé go ndeireann 58% de na tuismitheoirí go bhfuil siad sásta go bhfuil na déagóirí sábhailte ar líne.

De réir an suirbhé chuireann 66% de déagóirí sonraí pearsanta ar fail thar an idirlíon, cleachtas nach mholtar ag am ar bith.

Ceann de na staitisticí is scanrúla ná go bhfuil strainséir tar éis teagmháil a dhéanamh le 71% de déagóirí agus gur fhreagair 43% an strainséir.

Lena chinntiú go bhfuil do chuid paistí slán agus iad ag baint úsáide as an idirlíon ba chóir a chinntiú go bhfuil an leagan is déanaí den brabhsálaí idirlíon acu (IE8) agus bhfuil oideachas curtha ar fáil do na paistí faoi na nithe nár chóir a dhéanamh agus tú ag baint úsáide as líonraí sóisialta agus ríomhphost.

Déanann Apple lainseáil ar an iPad

2010-02-24T12:33:00.002Z

Tá Apple tar éis lainseáil a dhéanamh ar an ghléas nua atá acu, an iPad. Agus tú ag amharc ar an gléas seo don chéad uair tá an cuma ar gur iPhone mór atá ann. Agus, go pointe bheadh an ceart agat.

Go simplí tá na saineolaithe ríomhaireachta ag rá go bhfuil an iPad chun an ríomhaire iniompartha a athrú go deo agus go mbeidh na ríomhairí seo níos idirghníomhach in imeacht ama. An difear mór idir an iPad agus ríomhairí iniompartha eile ná nach bhfuil méarchlár fisiceach ar an ríomhaire seo agus go n-úsáideann sé méarchlár fíorúil ina áit. Chomh maith le seo tá scáileáin an-snasta ann. San alt seo déanfaidh muid cur síos ar na gnéithe is suimiúla faoin iPad.

Scáileáin

Tá scáileán 9.7 orlaigh ar fáil ar an iPad a tacaíonn leis an caighdeán HD (1080p). Mar gheall ar an caighdeán seo déanann sé an easca suíomhanna idirlín, ghrianghraif, físeáin agus go leor eile a fheiceáil go soiléir. Tá radharc 178 céim ag an scáileáin seo, rud a ciallaíonn nach ghá suí díreach trasna uaidh.

Scáileáin il-tadhaill

Tá scáileáin il-tadhaill ar an iPad rud a ndéann níos easca é súmáil isteach agus amach ar suíomh idirlíon agus do chuid comhaid nó ceol a sórtáil agus a bhualadh. Is mar thoradh ar an teicneolaíocht seo nach bhfuil aon ghá le luchóg.

Tanaí agus Éadrom

Tá an iPad an-éadrom agus an-tanaí. Tá an scáileáin 9.7 orlaigh in iomlán, rud a chiallaíonn go bhfuil an iPad beagánín níos lú ná iris. Tá méachan de 1.5 punta aige agus tá leithid de 0.5 orlaigh aige. Leis an iPad chomh beag, éadrom agus tanaí seo níl aon fáth nach féidir leat é a iompar timpeall leat.

Saolré 10 uair ag an cadhnra

Tá saolré 10 uair ag an cadhnra agus tú ag baint úsáid as an gréasán domhanda ar Wi-Fi nó ag amharc ar físeáin nó ag éisteacht le ceol. Úsáidtear an teicneolaíocht cumhachta céanna san iPad is a úsáidtear ar a deartháir níos sine an MacBook.

Gan Sreang

Tá teicneolaíocht Wi-Fi ag an caighdeán 802.11n san iPad. Ligeann sé seo duit ceangail suas le líonraí ríomhaireachta ag ardluais. Chomh maith le seo tá tacaíocht ag an iPad do Bluetooth 2.1 rud a ligeann duit gléasanna eile a cheangal leis.

Is féidir an iPad a cur ag obair le carta sim ó ceann de na comhlachtaí fón agus bille míosúil a bheith ann as úsáid a bhaint as an idirlíon.

Sonraí Teicniúil

Tá trí leagan difriúil le bheith ar fáil ó thaobh líon stórála de, an 16GB, 32GB agus 64GB. Úsáideann an iPad an láraonad próiseála, an A4 a úsáideann suas fíorbheagán cumhachta.

An Siopa iBooks

Beidh ar cumas daoine leabhair digiteach a léamh ar an iPad agus iad a íoslódáil síos ón siopa ar líne atá ag Apple.

Praghas an iPad

Beidh na praghsanna ar an iPad ag toiseacht ag $499 (16GB Wi-Fi) don ceann is bunúsaí agus ag ardú go $849 don ceann is fearr (64GB le feidhmiúlacht 3G) agus déanfar iad a chur ar fail sna siopaí i mí Márta (Wi-Fi) agus mí Aibreán (3G).

Láigí leis an iPad

Easpa USB: Ní aon soicéid USB ag an iPad rud a cuireann cosc ort ghléasanna breise a cur in oiriúint leis (diosca crua seachtrach, printéir, scanóir).

Ceamara gréasán: Níl ceamara gréasán ar both ag an iPad, rud a chiallaíonn nach féidir é a chur ag obair le Skype.

Uasghrádú: Ní féidir an cuimhne, an líon stórála nó an cadhnra a uasghrádú mar gheall gur ghléas druidte go hiomlán atá ann.

Méarchlár: Níl méarchlár ar bith leis an iPad rud a chruthaíonn deacrachtaí clóbhualadh.

Adobe Flash: Níl tacaíocht ag an iPad do Adobe Flash, rud a chiallaíonn nach mbeidh ar chumas an ghléas suíomhanna idirlín airithe a thaispeáint i gceart.

Iltascáil: Ní féidir ach feidhmchlár amháin ag an am a rith ar an iPad. An brí atá le seo ná go teoiriciúil nach mbeidh ar cumas agat éisteacht le ceol agus e-book a léamh ag an am céanna.

Fadhbanna le ainm an iPad

Beidh le feiceáil an mbeidh cead ag Apple an ainm “iPad” a úsáid nó an mbeidh orthu é a athrú. Tá gléas ag Fujitsu chéanna féin a úsáidtear le stocáireamh a dhéanamh darbh ainm an iPad. Tá dlíodóirí Fujitsu ag fiosrú an scéal faoi láthair.

Google i mbun oibre i nGaoth Dobhair

2010-02-24T12:32:00.000Z

An bhfaca aon duine carr ait sa cheantar le seachtain nó dhó? Ceann a bhfuil ceamara chrochta ar barr an carr? An rud atá ar bun anseo ná go bhfuil pictiúir á ghlacadh de na bóithre uilig sa cheantar le é a chur suas ar Google Street. An impleacht atá aige seo ná go mbeidh duine in ann siúlóid fíorúil a ghlacadh timpeall an cheantar! Seans go gcuirfidh sé seo go mór le turasóireacht agus an eacnamaíocht a spreagadh.

Gluaisteáin dara lámha gur féidir brath orthu!

2010-02-24T12:31:00.000Z

beepbeep.ie

Tá suíomh idirlíon nua ar fáil anois ón eagras SIMI, údarás sa tír seo ó thaobh díolachán ghluaisteáin. Tá chuile carr ar an suíomh seo dara lámha agus is féidir brath ar an carr go bhfuil cigireacht ceart déanta air sula ndíoltar é.

Is féidir cuardach a dhéanamh de réir an cineál carr atá de dhíth ort, ar nós Hatchback, MPV, 4x4 agus araile. Ar an dóigh seo níl ort amharc ar gluaisteáin nach bhfuil suim agat féin iontu. Is féidir cuardach a dhéanamh de réir déantús nó bliain chomh maith.

Ghné an-úsáideach eile atá acu ná an feidhmiúlacht do “Showroom” féin a chruthú de na gluaisteáin uilig a bhfuil suim agat féin iontu.

Tá leárscáil ar fáil ar an leathanach baile chomh maith a ligeann duit an cuardach a cúngú síos chuig an Contae ina bhfuil tú féin.

B’fhiú cuairt a thabhairt ar an leathanach baile seo mar ní raibh aon am níos fearr ann le carr a cheannach de bharr go bhfuil na praghsanna tar éis titim an oiread sin.

Feidhmchlár Nuacht RTÉ ar fáil don iPhone anois

2010-02-24T12:30:00.000Z

Tá feidhmchlár nua eisithe ag RTÉ a ligeann do daoine teacht ar an nuacht is déanaí ag baint úsáid as an iPhone. Is féidir na scéalta ar fad a brabhsáil, a léamh agus a shábháil ag baint úsáid as an “app” nua seo. Chomh maith le sin is féidir leat amharc ar an nuacht ó RTÉ am ar bith in áit ar bith ar domhain. Níl costas ar bith leis an feidhmchlár seo a íoslódáil.

Rialtas na Fraince agus na Gearmáine ag fógairt gan Internet Explorer a úsáid

2010-02-24T12:29:00.000Z

Tá rialtas na Fraince agus rialtas na Gearmáine tar éis a fhógairt gur féidir go bhfuil fadhb tromchúiseach leis an brabhsálaí idirlín atá ag Microsoft, Internet Explorer. Baineann an fhadhb seo leis an slándáil atá ar fáil agus go bhfuil an baol gur féidir le Trojan Horse sleamhnú tríd córais slándála Internet Explorer. Má tharlaíonn gur féidir leis an Trojan fáil fhad leis an cruadhíosca is féidir leis seilibh a fháil ar an ríomhaire agus sonraí ar bith a sheoladh amach thar línte teileachumarsáide.

Ar an taobh eile den scéal tá Microsoft ag fógairt go bhfuil fíor beagán de baol ann agus má tá an leagan is déanaí de Internet Explorer agat, leagan a hocht, nár chóir go mbeadh aon fhadhb ann.

Tá sé tagtha chun solais le cúpla lá anuas is mar gheall ar an fabht seo gur tharla an ionsaí ar trealamh ríomhaireachta Google atá lonnaithe sa tSín. Tá Google ag déanamh machnamh faoi láthair ar chóir dóibh tarraingt amach as an tSín.

Tá saineolaithe áirithe ag moladh do daoine Mozilla Firefox, Google Chrome, Apple Safari nó Opera a úsáid go dtí go dtagann Microsoft suas le réiteach ar an fhadhb seo.

Go dtí seo níl aon dáta foilsithe ag Microsoft d’eisiúint an réiteach sin.

Teilifís saor in aisce ar fáil i Mozilla

2010-02-24T12:27:00.001Z

toolbar.tv-fox.com

Tá uirlis breise ar fáil don brabhsálaí idirlíon, Mozilla, ar fáil le seachtain anuas darbh ainm TV Fox. Ligeann TV Fox duit amharc ar staisiún teilifíse thart fud an domhain saor in aisce. Baineann an uirlis seo úsáid as an cheangal idirlín ar an ríomhaire, dá bhrí sin tá sé riachtanach ceangal leathanbhanda a bheith agat. In iomlán tá 2780 stáisiún teilifíse ar fáil faoi láthair agus an líon stáisiúin le méadú ó seachtain go seachtain.

Caithfidh mé a rá go bhfuil an caighdeán físe agus fuaime an-ard agus is féidir an sruth físe a thaispeáint i bhfoirm lánscáileán chomh maith. Bíonn na staisiún eagraithe de réir cineál nó tír. Sula bhfuil ar do chumas an uirlis breise seo a úsáid caithfidh tú an leagan is déanaí de Mozilla Firefox a íoslódáil agus a shuiteáil ar do ríomhaire, atá ar fáil ag www.mozilla.com i nGaeilge nó i mBéarla.

Feidhmeanna Breise ar an Fón Póca

2010-02-24T12:25:00.000Z

An Smartphone

Sa lá atá inniu ann tá an-chuid feidhmeanna breise ar an fón póca. Ní amháin gur féidir leat scairteanna guthán a dhéanamh. An seachtain seo támuid chun súil a chaitheamh ar cuid de na feidhmeanna breise atá ar fáil agus gur chóir smaoineamh faoi agus tú ag ceannach fón póca.

Ceamara

Ar an chuid is mó de na fóin póca bíonn ceamara ann. Déantar an ceamara seo a mheas bunaithe ar an líon meigapictilíní atá ar fáil. Mas rud é go bhfuil an líon meigapictilíní níos lú ná 3mp níl an íomhá ar caighdeán ard go leor le é a phriontáil go héifeachtach. Tá roinnt ceamaraí ar an mhargadh agus 8mp ar fáil orthu. Ardaíonn an ceamara ceisteanna faoi príobháideachas. Is féidir grianghraf a ghlacadh de duine agus gan fios acu féin. Is de bharr seo gur cuireadh cosc ar na fóin seo a úsáid in ionaid spóirt agus i linn snámha agus seomraí feistis. I measc na feidhmeanna atá ag an ceamara seo ná físeáin a thaifead. An cás is cáiliúla de mí-úsáid an físcheamara ná bás Saddam Hussein ag deireadh 2006. Bhí na heachtraí le fheiscint ar an idirlíon go gairid tar éis an eachtra.

MP3

Sá lá atá inniu ann is beag duine nach bhfuil tar éis a chloisteáil faoi MP3 agus an chaoi gur féidir an cartlann ceol a digitiú. Ar a lán fóin is féidir leat éisteacht leis an ceol seo agus fiú é a íoslódáil díreach ón idirlíon chuig an fón. Tá an líon stóras ar na fóin ag ardú chomh maith agus bíonn líon stóras suas go 8GB ar roinnt fóin.

Raidió

Is féidir leat éisteacht leis an raidió ar an fón. Is raidió analógach atá ann i láthair na huaire ach beidh an feidhmiúlacht ann éisteacht le raidió digiteach gan mhoill. Ardóidh sé seo an caighdeán fuaime ar an raidió agus an líon áiteanna gur féidir leat an comhartha raidió a phiocadh suas.

Teachtaireachtaí Teacs / Ilmheán

Is féidir leat teachtaireachtaí teacs a sheoladh ar gach fón póca ach bíonn feidhmeanna breise ann ó thaobh ilmheán ag brath ar an fón atá in úsáid.

Idirlíon

Is féidir teacht ar an idirlíon ar an-chuid fóin sa lá atá inniu ann. Tá an deis ann brabhsálaí breise a suiteáil ar an fón ar nós Opera agus amharc ar an fíor idirlíon in áit an idirlíon móibíleach. Caithfear a bheith cúramach agus tú ag úsáid an idirlíon. B’fhiú pacáiste a cheannach a ligeann duit méid áirithe sonraí a íoslódáil sa mhí. Muna bhfuil an pacáiste seo agat cosnaíonn gach aon meigibheart €14 in áit 3c. Ardaíonn úsáid an idirlíon ceisteanna mór do tuismitheoirí. Déanann tuismitheoirí gach rud gur féidir leo ó thaobh na paistí a chosaint agus iad ag úsáid an ríomhaire baile le fáil fhad leis an idirlíon. Bíonn pacáistí ar nós NetNanny in úsáid againn. Caithfear an rud céanna a dhénamh ar an fón póca. Tá rud ar a glaoitear Safety Net ag Vodafone le cosc a chur ar daoine dul fhad le suíomhanna nach bhfuil in oiriúint do phaistí.

GPS

Le GPS is féidir leat an fón póca a úsáid mar Satnav agus do bhealach a dhéanamh ó áit amháin go áit eile ar bhealach níos fusa.

Wi-Fi

Le Wi-Fi is féidir leat an fón póca a cheangail leis an ródaire sa bhaile agus an idirlíon a úsáid gan an bille fón a ardú.

Ag déanamh cinneadh

Agus tú ag ceannach fón póca nua b’fhiú cinneadh a dhéanamh bunaithe ar na nithe atá liostáilte san alt seo. Bí cinnte go ndéanann tú a sheiceáil an bhfuil tú i dteideal uasghrádú. Uaireanta is féidir leat fón saor in aisce a fháil de bharr go bhfuil tú i dteideal an uasghrádú seo. Bí cinnte go roghnaíonn tú an pacáiste ó thaobh praghas atá in oiriúint duit. Déan cinnte athchúrsáil a dhéanamh ar an fón, glacann an-chuid eagrais ar nós Trocaire le sean fóin le fiúntas na daoine boichte ar domhain.

Samplaí:

Apple iPhone 3Gs

Palm Pré

Blackberry Storm

Google Nexus One

Motorola Android

Fuaim a thaifeadadh ó YouTube

2010-02-24T12:24:00.000Z

audacity.sourceforge.net

www.youtube.ie

Ag an am seo den bhliain bíonn daoine ag smaoineamh ar na laethanta Nollag a bhí acu agus iad óg, go háirithe an ceol a bhí le cloisteáil ag an am. Uaireanta bíonn daoine ag lorg an ceol seo a fháil ar an idirlíon. Is annamh gur féidir teacht ar an MP3 ach bíonn tromlach an ceol ar YouTube na laethanta seo.

Tóg mar shampla, an amhrán “The Frog Chorus” a bhí sna cairteanna ag Paul McCartney i 1983 agus mé óg. Tá sé fíor dheacair é a fháil ar dlúthdhiosca nó i bhfoirm MP3 ach tá sé ar fáil i bhfoirm físeán ar YouTube. Is iomaí duine a ndeireann liom “Conas gur féidir ceol a thaifeadadh ó YouTube?”. Is próiséas simplí atá ann, nach cosnaíonn pingin rua.

Is féidir leas a bhaint as an feidhmchlár saor in aisce Audacity leis an taifeadadh a dhéanamh. Tá sé seo ar fáil saor in aisce ón suíomh idirlíon audacity.sourceforge.net .

Ansin oscail YouTube.ie agus téigh chomh fada go dtí an físeán atá á lorg agat. Roghnaigh “Stereo Mix” in Audacity. Ansin brúigh ar “Record” in Aadacity agus ar “Play” in YouTube. Déanfaidh an Audacity an fuaim is atá an ríomhaire ag chruthú. Agus an físeán críochnaithe brúigh ar “Stop” agus is féidir éisteacht arais ar an ceol. Ansin roghnaigh “File” agus “Export as MP3” le MP3 a dhéanamh as agus é a chur ar an MP3.

Tá neart ceol Nollaig ar fáil ar YouTube nach bhfuil ar fáil go forleathan sna siopaí, mar shampla tá leagan de “Oíche Chiúin” ó Enya a rinne RTÉ taifead ar i 1989 suas ansin.

Comparáid Praghsanna a dhéanamh ar líne

2010-02-24T12:22:00.000Z

Le airgead gan san athbhliain idir costais na Nollag le díol ag daoine agus na leibhéil turastail ag titim i gcónaí is smaoineamh maith atá ann gearradh siar ar an costas atá ar chuile chlann ar pé bealach gur féidir.

Is féidir suíomhanna idirlín a úsáid leis an comparáid praghsanna seo a dhéanamh. An seachtain seo déanfaidh muid léirmheas ar na suíomhanna seo.

Uchoose (www.uchoose.ie)

Ar an suíomh seo is féidir comparáid a dhéanamh idir praghsanna faoi na réimsí seo a leanas:

Fóntais (Utilities)
Arachas
Taistil
Airgeadas

Chomh maith le seo bíonn scéalta acu go rialta ar conas gur féidir gearradh siar ar an caiteachas sa bhaile agus faoi na treochtaí atá ann i gcás praghsanna scríofa ag a leitid de Conor Pope. Is féidir clárú leis an suíomh seo leis na scéalta seo a fháil trí Facebook, Twitter, Google, MySpace nó Yahoo.

Bíonn comórtais acu go rialta chomh maith inar féidir leat saoire beag a bhaint.

Compare.ie (www.compare.ie)

Seo suíomh Éireannach eile inar féidir le daoine naisc a fháil faoi na áiteacha gur féidir airgead a shábháil faoi na réimsí seo a leanas:

Leathanbhanda
Airgeadas
Gáis / Leictreachas
Taistil
Fóin Póca
DVD

Bíonn sladmhargaidh acu chomh maith ar earraí leictreach ar nós 40% a shábháil ar praghas an iPod Touch (€159).

Airgead a shábháil sa bhaile

2010-02-24T12:21:00.000Z

Value Ireland (www.valueireland.com)

Seo suíomh idirlíon a foilsíonn ailt nuachta agus a ndéanann léirmheasanna ar conas cur féidir airgead a shábháil sa bhaile. I measc na réimsí atá ag an suíomh seo ná SSIA, róthaillí, leictreachas, cearta custaiméara, arachas, costaisí fóin, sladmhargaidh, ag cur airgead i dtaisce agus seirbhísí tacaíochta nach bhfuil ag teastáil. Ghné an mhaith ar an suíomh seo na go ndéanann siad comparáid ar na tairiscintí speisialta atá ag na hollmhargaidh uilig. B’fhiú súil a chaitheamh ar chuid de na leideanna atá ag an suíomh seo....tá gach seans go mbeidh tú níos fearr as.

Pumps.ie (www.pumps.ie)

Le roinnt blianta anuas tá an praghas ar ola tar éis ardú chuid mhór. Bíonn deacrachtaí ag daoine díol as na costais carr a choinneáil ar an bóthar faoi láthair. Seo suíomh gur féidir le gnáthdhaoine a choinneáil suas chun dáta agus na praghsanna is saoire a fhógairt ann. Faoi láthair sé an praghas is ísle atá á fhógairt ag an suíomh seo i gcomhair peitreal ná 112.9c in aghaidh an lítear thíos i Trá Lí, Co. Chiarraí. Níl aon stáisiúin sa contae seo ag uasdátú a chuid praghsanna. Oibríonn an suíomh seo ar an fón póca chomh maith mas rud é go bhfuil tú ar turas fada agus ag lorg praghsanna íseal.

Níl anseo ach sampla an bheag. Is féidir leat airgead a shabháil ar aon rud le píosa beag taighde déanta agat ar-líne. Céard fáoi dream cairde ag comhoibriú lena chéile leis na praghasanna is ísle a aimsiú. Is cinnte má chaitheann daoine vóta leis an phóca tosóidh na praghasanna ag titim!

Cáinaisnéis 2010 ar líne

2010-02-24T12:18:00.003Z

Is cinnte go mbeidh cáinaisnéis na bliana seo ar ceann de na cáinaisnéis is measa riamh i stáir an stáit seo. Beidh chuile duine ag cailleadh amach ar an líon airgead atá acu go míosúil. An seachtain seo táimid chun súil a chaitheamh ar na suíomhanna idirlíon is oiriúnaí atá ann a ligeann duit na príomhphointí a thuiscint agus a ligeann duit a oibriú amach an líon airgead nach mbeidh agat an bliain seo chugainn.

RTÉ (www.rte.ie/budget2010)

Tá suíomh idirlíon nuacht RTÉ ar ceann de na cinn is fearr. Is féidir leat éisteacht leis nó amharc ar an tAire Lenihan ag tabhairt an óráid trathnóna inniu agus tar éis sin beidh foireann saineolaithe ag mionscrúdú teacs an cáinaisnéis le oibriú amach céard iad na himpleachtaí atá ann do chuile duine.

TV3 (www.tv3.ie/budget2010)

Tá suíomh idirlíon an-mhaith ag TV3 faoin cáinaisnéis chomh maith le físeáin, scéalta, tráchtaireacht agus go leor eile ina measc baineann siad úsáid as twitter le rian scéalta leanúnach a chur ar fáil.

An Roinn Airgeadas (www.finance.gov.ie)

Tá suíomh idirlíon maith ag an Roinn Airgeadas a tugann leagan leictreonach de na doiciméid ar fad ina measc Cáinaisnéis 2010. Is féidir na sean doiciméid ar fad a fháil siar go dtí 1996 agus comparáid a dhéanamh ar an staid reatha ansin agus an ceann anois.

Sony Vaio P i gcomparáid leis an Acer Aspire One

2010-02-24T12:16:00.000Z

Le déanaí tá Sony tar éis lainseáil a dhéanamh ar an Sony Vaio P. Is ríomhaire glúine an-bheag atá ann le scáileáin 8 orlaigh. I gcónaí is féidir brath go mór ar tairgí Sony ó thaobh déantús maith agus is féidir brath orthu ó thaobh oibriú i gceart thar tréimhse na blianta.

Tháinig ceist isteach ó éisteoir maidir leis an comparáid idir an Sony Vaio P agus an Acer Aspire One agus an fiú an praghas a dhíol ar an Sony mas rud é go bhfuil tú ag iarraidh feidhmeanna bunúsacha a úsáid ar an ríomhaire ar nós próiseáil focail, idirlíon agus ríomhphost.

I dtús báire tá muid chun súil a chaitheamh ar na difríochtaí atá ag na ríomhairí éagsúla.

Costas

Tá an costas ar an Sony Vaio P tar éis ísliú le bliain anuas. Cosnaíonn sé £549 ar an ríomhaire seo sa Sony Centre i nDoire. Cosnaíonn sé €890 i Leitir Ceanainn le €160 mar aisíoc ó Sony.

Cosnaíonn an Acer Aspire One £249 (€270) i PC World. Is praghas an-réasúnta atá anseo d’aon duine atá ag feidhmiú ar buiséad an-íseal.

Córas Oibriúchán

Tagann an Vaio P leis an córas oibriúchán Windows Vista agus tagann an Aspire One leis an córas oibriúchán Windows XP. Leis na firinne a rá úsáideann an Sony an breis RAM nó cuimhne atá aige le Windows a chur ag obair. Tá sé curtha amú díreach le comhéadan níos snasta a chur ar fáil.

Cuimhne

Faigheann tú 2GB RAM leis an Vaio P agus 1GB RAM leis an Aspire One. Ó thaobh luas an ríomhaire ní dhéanann sé seo mórán difear mar gheall go bhfuil an breis cuimhne atá ag an Vaio curtha amú ag iarraidh choinneáil suas le Vista.

Crua Dhiosca

Faigheann tú crua dhiosca 60GB leis an Sony agus 160GB leis an Acer. Measaim go bhfuil an bua ag an Acer anseo. Tá fíorbheagán gur féidir leat a stóráil ar crua dhiosca 60GB sa lá atá inniu ann. Úsáideann Vista suas aon trian den spás sin rud nach bhfágann ach 40GB le do chuid sonraí a stóráil ann.

Méid an Scáileáin agus Méachan

Tá scáileán an-bheag ag an Sony (8 orlach) agus ceann 8.9 orlach ag an Acer Aspire One. Measaim go bhfuil an ceann ar an Sony róbheag le nithe a fheiscint go soiléir agus go bhfuil géarghá le ceann níos mó a bheith ann.

Tá méachan de 2.78lb ag an Acer Aspire One agus 1.4lb ag an Sony Vaio P.

Próiseálaí

Tá próiseálaí de 1.6Ghz ag an Acer Aspire One agus 1.33Ghz ag an Sony Vaio P. Ciallaíonn sé seo, ar phaipéar, ar aon nós, go bhfuil an ríomhaire níos saoire níos gaiste!

Nithe Breise

Tá ceamara gréasán ag an Sony agus an Acer.

Tá GPS agus Bluetooth ag an Sony, rud nach bhfuil ag an Acer.

An Focal Scoir

Is ríomhaire an-deas atá sa Sony Vaio P ach ag deireadh an lae tá sé róchostasach i gcomparáid leis an méid teicneolaíocht a fhaigheann tú leis. B’fhiú i bhfad an Acer a cheannach ar aon trian den praghas le spás stórála níos mó a fháil, níos mó cumhacht próiseálaithe agus an fuilleach a úsáid le rudaí níos fiúntaí a dhéanamh.

Buaiteoir: Acer Aspire One

Ligeann feidhmchlár Apple rochtain neamhúdaraithe a fháil ar córais idirlín gan sreang

2010-02-24T12:14:00.000Z

Tá Apple ag déanamh airgead as feidhmchláir a thugann rochtan saor in aisce do daoine fáil isteach i suas le 250,000 líonraí baile sa tír seo gan fios ag úinéir an líonra.

Tá an píosa bogearra seo atá deartha don Apple iPhone, darbh ainm dessid, a chosnaíonn €1.59 agus a ligeann duit fabht i crua earraí Eircom a úsáid agus fáil isteach in aon líonra a úsáideann an teicneolaíocht lochtach sin.

Tharla an fhadhb seo mar gheall go chraolann líonra gan sreang Eircom ainm líonra ocht uimhir gur féidir a úsáid leis an pasfhocal a oibriú amach.

Ó Mí Lúnasa 2008 tá teicneolaíocht níos sofaisticiúil in úsáid ag Eircom nach féidir fáil isteach ann leis an feidhmchlár dessid.

Dessid ar díol maidin inniu

Deir Eircom go bhfuil leath dá chustaiméirí ag baint úsáide as an sean teicneolaíocht.

De réir suirbhé foilsithe ag Deloitte tá 63% de teaghlaigh ag úsáid an sean prótacal 8 uimhir agus nach bhfuil an slándáil úasghrádaithe acu. De réir staitisticí anuraidh bhí 480,000 custaiméir baile ag Eircom, rud a chiallaíonn gur féidir go mbeidh 250,000 i mbaol anois in éadan ionsaí teicniúil ón taobh amuigh.

Nuair atá dessid curtha ar iPhone déanann sé cuardach ar na líonraí gan sreang i raon. Beireann an pasfhocal do na líonraí don úsáideoir beagnach láithreach. Tá an bogearra seo díolta le cabhrú le daoine mas rud é go bhfuil dearmad déanta acu ar an pasfhocal, a ndeireann an cruthaitheoir, Daniel Heffernan, cé go n-aithníonn sé gur féidir mí-úsáid a bhaint as.

Coinníonn Apple 30% de praghas díolachán chuile feidhmchlár a ndíolann siad. Tá an bogearra seo ar díol ó bhí an 29 Deireadh Fómhair ann agus de réir an cruthaitheoir tá timpeall ar 6 cóip á dhíol sa lá.

Tá sé mídhleathach rochtain neamhúdaraithe a fháil ar líonraí gan sreang sa tír seo.

De réir Eircom is féidir do chuid socruithe slándála a uasghrádú ag: wirelesssecurity.eircom.net

Cén iPod ar chóir dom a cheannach?

2010-02-24T12:12:00.000Z

Is é an iPod an seinnteoir Mp3 is mó díol ar domhain faoi láthair. Bíonn daoine tógtha leis an stíl a bhaineann leis chomh maith le cé chomh easca is atá sé le húsáid. Faoi láthair tá ceithre tairge ag Apple sa chlann seo, iPod shuffle, iPod Nano, iPod Classic agus iPod Touch.

iPod Shuffle

Seo é an tairge is bunúsaí atá ag Apple. Ní dhéanann sé ach ceol a bhualadh go randamach. Is féidir é a líonadh suas as do chartlann féin go randamach agus ansin an ceol a bhualadh go randamach. Tá sé ar nós DJ beag a beith ag freastal ort nach seinneann ach ceol go bhfuil tú féin tógtha leis. Buntáiste leis an Shuffle nach gur féidir e a cheangal le do chuid éadaí agus gur féidir suas le 17 uair a chloig ceol a stóráil ar nó 520 amhrán (2GB). Tá leagan 4GB ar fáil chomh maith. An praghas molta ar an leagan 4GB ná €75.

iPod Nano

Seo seinnteoir beag eile atá ag Apple darbh ainm an Nano. Is féidir an ceann seo a fháil i leaganacha 8GB (€139) agus 16GB (€169). Tá an ceann seo thart fá ceithre uair an méid is atá an Shuffle. Tá scáileán ar an ceann seo agus is féidir leat amhrán nó albam a roghnú ar an scáileáin as do cartlann féin. Is féidir leis an ceann seo ceol agus físeáin a bhualadh chomh maith le cluichí. Seo rogha maith do duine atá ag iarraidh cartlann a stóráil agus a thabhairt leo ar turas de bharr gur féidir suas le 4,000 amhrán a stóráil ar.

iPod Classic

Seo an iPod is cumhachtaí atá ar fáil. Is féidir é a cheannach i leaganacha 120GB (€229) agus 160GB (€229). Is ghléas iontach atá anseo mas rud é go bhfuil cartlann mór ceol agat. Muna bhfuil tá tú ag cur amú do chuid am agus airgead ag ceannach an iPod seo. Cosúil leis an Nano tá scáileáin ar agus tá an cuma ar gur an deartháir níos sine atá ann. Is féidir suas le 40,000 amhrán a stóráil ar an gléas seo.

iPod Touch

Seo an iPod is nua-aimseartha atá ar fáil. Úsáideann sé córas ionchur difriúil se bharr go bhfuil an tosach déanta suas de scáileáin. Is féidir é a cheannach ar €279 (32GB) agus €189 (8GB) Déanann sé stóráil ar suas le 7,000 amhrán. Is féidir leat dul ar an idirlíon chomh maith agus amhrán a íoslódáil díreach chuig an seinnteoir.

Déan airgead a shabháil le acmhainní ar líne

2010-02-24T12:10:00.000Z

www.itsyourmoney.ie

Tá suíomh idirlín curtha le chéile ag an Rialtóir Airgeadais darbh ainm itsyourmoney.ie .

Tá comhairle ar fáil ar an suíomh seo faoi gach aon ghné den caiteachas ginearálta a bhíonn againn.

Tá an suíomh seo leagtha amach ar bealach maith agus níl sé ródheacair aon rud a aimsiú. Tá an suíomh briste suas i 9 rannóg difriúil.

§ Baincéireacht

§ Morgáistí

§ Iasachtaí agus creidmheas

§ Taisce agus infheistíocht

§ Arachas ginearálta

§ Arachas Saoil

§ Do Chearta

§ Pinsin

§ Buiséadú

Bíonn áireamháin ann le bainistíocht níos fearr a dhéanamh ar do chuid airgead agus a chinntiú go bhfuil go leor airgead agat leis na billí ar fad a íoc. Tá comhairle den cineál seo an-tábhachtach ag teacht chomh gar seo don Nollaig.

Bíonn leideanna acu faoi cártaí creidmheasa chomh maith agus na cártaí creidmheasa is saoire atá ar fáil.

Mas rud é go bhfuil airgead sa bhreis fágtha agat ag deireadh na míosa bíonn comhairle ar fáil ar na bealaí is fearr leis an t-airgead sin a infheistiú.

Tá an comhairle seo an-fiúntach agus is deas a fheiscint go bhfuil sé ar fad ar fáil saor in aisce. Leis a ardú atá le tárlúint ar praghas ola agus tairgí a ndéantar as ola is maith an rud é gur féidir linn pleanáil le suíomh den chineál seo.

Nuachtlitir

Bíonn nuachtlitir ag an rialtóir airgeadais chomh maith agus is féidir clárú don nuachtlitir seo trí do sheoladh ríomhphost a chur isteach sa suíomh.

Gradaim

Tá duaiseanna agus gradaim buaite ag an suíomh seo mar gheall ar chaighdeán an saothar atá ar fáil.

§ Golden Spider Awards

§ Digital Media Awards

Fógraíocht

Tá an-chuid fógraíocht agus margaíocht á dhéanamh ar an suíomh seo. Is annamh nach mbíonn fógra teilifíse faoin suíomh gach leath uair ar an teilifís.

Leagan Gaelach?

Ní raibh mé in ann teacht ar leagan den suíomh seo trí mheán na Gaeilge. Is trua seo de bharr go bhfuil sé eochrach go mbeidh an suíomh seo ar fáil go dhátheangach. Ó thaobh an earnáil poiblí de tá an suíomh seo níos fearr ná an-chuid acu. Ag amharc ar an mana atá ag an suíomh “Independent Information ón Financial Products in Plain English”, níl an oiread sin muinín agam go mbeidh aistriúchán ag teacht go luath.

Frithvíreas – Ag chosaint do ríomhaire

2010-02-24T12:07:00.001Z

Bíonn mórfhadhbanna ag daoine agus iad ag iarraidh an ríomhaire a chosaint in éadan víreas agus péisteanna. Is beag duine nach mbíonn píosa beag buartha agus iad ag líonadh a chuid sonraí pearsanta isteach i suíomh idirlíon le earraí a cheannach. Tá roinnt bealaí le fáil réidh leis na fadhbanna seo agus ní ghá go gcosnóidh sé an oiread sin ar chor ar bith.

Ceard iad na fadhbanna is mó?

Péisteanna agus Víreas Ríomhaireachta (Computer Worms)

Seo feidhmchlár beag atá an-chosúil le víreas. Ceanglaíonn víreas le comhad eile ionas go n-oibreoidh sé. I gcás péiste níl aon chomhad eile ag teastáil. Mar thoradh air seo tá sé éasca péisteanna a scaipeadh ag baint úsáid as ríomhphost. Má osclaítear iatán gur péist é déanfar dochar don ríomhaire.

Is féidir le péist go leor rudaí éagsúla a dhéanamh. Is féidir leis comhaid a scriosadh, bheith ina óstach nó ríomhphoist a sheoladh. Is féidir le péist an-dochar a dhéanamh ó thaobh an méid tráchta ar an líonra a chruthaíonn sé. Chruthaigh an phéist MyDoom moill ollmhór ar an idirlíon ar fud an domhain (rud a chosain na céadta milliúin euro go domhanda).

An féidir péist a úsáid le maitheas a dhéanamh? Bhain Microsoft úsáid as péist le nuashonrúcháin a íoslódáil ón suíomh idirlín atá acu le fadhbanna ar ríomhairí timpeall an domhain a dheisiú. Chruthaigh sé seo trácht agus brú mór ar an idirlíon agus rinne sé gach uile ríomhaire a atosú agus chuir sé bogearraí ar ríomhairí gan cead a fháil ó na húinéirí. Dá bhrí seo measann na saineolaithe nár chóir péisteanna a úsáid ar chor ar bith.

Tá sé go hiomlán mídhleathach péist a scaipeadh sa lá atá inniu ann. I mí Eanáir 2002 gearradh téarma príosúnachta dhá bhliain ar an ríomhchláraitheoir Simon Vallor as an dochar a rinne sé leis na víris Gokar, Admirer agus Redesi8.

I mí Dheireadh Fómhair 2005 gearradh téarma príosúnachta 6 mhí ar Andrew Harvey agus gearradh téarma 3 mhí ar Jordan Bradley as an dochar a rinne siad leis an phéist T-K Worm.

Phishing

Seo nós réasúnta nua atá tar éis teacht chun tosaigh le blianta beaga anuas. Ligeann na ‘phishers’ orthu féin go mbaineann siad le heagraíocht oifigiúil trí ríomhphost snasta a sheoladh amach. Iarrann siad ar dhaoine a gcuid sonraí pearsanta, sonraí bainc nó sonraí cárta creidmheasa a líonadh isteach agus a sheoladh ar ais chucu. Toisc go bhfuil cuma shnasta agus, minic go leor, suaitheantas corparáide ar an ríomhphost líonann daoine isteach a gcuid sonraí. Is féidir leis an ‘phisher’ rudaí a cheannach ag úsáid sonraí an duine go dtí go bhfuil teorann caiteachais an chárta sroichte aige nó go dtí go bhfuil an cuntas bainc folamh.

Idir mí na Bealtaine 2004 agus mí na Bealtaine 2005 chaill 1.2 milliún duine airgead i Meiriceá mar thoradh ar Phisheáil tríd an ríomhphost le luach $929 milliún ar an phisheáil ar fad sa tréimhse sin. Sa tréimhse chéanna cailleadh £524 milliún i Sasana de bharr phisheála. Cailltear thart fá $2 billiún in aghaidh na bliana i Meiriceá mar gheall ar gach sórt phisheála.

An bealach is fusa le phisheáil a sheachaint ná a bheith cúramach le do chuid sonraí. Má tá fadhb le do chuntas bainc cuirfidh an banc scairt ghutháin ort nó cuirfidh siad litir sa phost chugat. Ná tabhair sonraí d’aon duine muna bhfuil tú iomlán cinnte cé lena bhfuil tú i dteagmháil leo.

Tá na húdaráis i ndiaidh greim a fháil ar chuid de na ‘phishers’ is mó ar domhan go dtí seo agus beidh siad os comhair na cúirte i mbliana. An ‘phisher’ is mó a fuair siad go dtí seo ná Valdir Paulo de Almeida sa Bhráisíl. Ghoid sé $55 milliúin thar dhá bhliain.

Réiteach na faidhbe

Tá frithvíreas ar fáil saor in aisce ar an idirlíon. Agus tú ag ceannach ríomhaire de ghnáth déanann an siopa iarracht brú a chur ort frithvíreas a cheannach, ach ní luann siad go bhfuil a leithid ar fáil saor in aisce.

Frithvíreas saor in aisce

AVG Anti-virus (www.grisoft.com)

Seo frithvíreas atá ar fáil saor in aisce. Ní fhaigheann tú ach an leagan is bunúsaí saor in aisce ach don ghnáth duine ba chóir go ndéanfaidh sé sin cúis. Bunaíodh an comhlacht seo i 1991 agus ceannaigh Intel páirt mór den comhlacht bliain ó shin. An t-aon coinníoll a bhaineann leis an ceadúnas seo ná go bhfuil sé le h-úsáid sa bhaile i gcomhair obair pearsanta amháin.

Avast (www.avast.com)

Seo pacáiste atá an-chosúil le AVG agus atá saor in aisce fad is a leanann tú na rialacha ceánna ó thaobh ceadúnais de. Ó mo thaithí féin oibríonn an feidhmchlár seo go maith ach amháin go bhfuil mé tar éis cloisteáil faoi cúpla fadhb leis i gcomhthéacs Windows Vista.

ClamWin (www.clamwin.com)

Tá ClamWin ar fáil saor in aisce chomh maith. Oibríonn an ceann seo ar gach aon leagan de Windows agus is féidir é a íoslódáil, cosúil leis na cinn eile ón leathanach baile atá ag an eagras.

Spyware saor in aisce

Spybot (www.spybot.com)

Is féidir fáil réidh le péisteanna agus a leithid trí úsáid a bhaint as Spybot. Is tairge iomlán saor in aisce atá anseo. Le déanaí chur mé Spybot ar ríomhaire mo chara agus d’aimsigh an ríomhaire 56 fadhb leis an ríomhaire cé gur shíl an duine nach raibh fadhb ar bith leis an ríomhaire. Rud an-úsáideach a bhaineann leis an feidhmchlár seo ná an cnaipe “immunise” a chinntíonn nach gheobhaidh an ríomhaire an fadhb céanna arís.

Balla Dóiteáin (Firewall) saor in aisce

An brí atá le Firewall ná píosa bogearra ní píosa cruaearra a cuireann bac ar ceangail líonra áirithe ag brath ag cén leibhéal muiníne a bhaineann leo.

Comodo (www.personalfirewall.comodo.com)

Is féidir leat cosaint breise a chur i bhfeidhm ar do ríomhaire trí Balla Dóiteán a úsáid. Ceann de na cinn is coitianta atá saor in aisce ná Comodo. Tá sé easca seo a suiteáil ar an ríomhaire agus tá sé ar fáil saor in aisce ón suíomh idirlíon.

An lámh in uachtar ag Playstation

2009-10-21T14:49:00.000+01:00

Tá Sony tar éis an lámh in uachtar a fháil ar Microsoft agus Nintendo más rud e go bhfuil fíricí ann sna figiúirí díolachán is déanaí. Don céad uair riamh tá díolachán ar an Playstation 3 (PS3) tar éis a bheith níos áirde ná an díolachán ar an XBOX 360 nó an Wii. Is comhartha maith atá anseo do Sony agus an Nollaig ag druidim linn. Le mí anuas tá leagan nua den Playstation 3 tar éis a bheith ar fáil atá níos lú agus níos saoire, rud a spreag an díolachán. Chomh maith le seo tá cluichí ar nós Uncharted 2 agus EyePet tar éis an díolachán a spreagadh.

Windows 7 beagnach linn

2009-10-21T14:47:00.001+01:00

Tá Windows 7 ag teacht ar an mhargadh ag méan oíche anocht. Tá úsáideoirí ríomhairí tar éis a bheith ag fanacht leis an lá seo le tamall fada mar gheall ar na fadhbanna a bhaineann le Windows Vista agus cé chomh trioblóideach is atá sé. Tá Microsoft ag lorg ar daoine cóisir a eagrú le ceiliúradh a dhéanamh ar an lainseáil seo agus tá siad imithe chomh fada le ‘party pack’ a dhearadh do na daoine a eagraíonn na cóisir seo.

Tá sé leagan difriúil den córas oibriúchán seo ar fáil ach na leaganacha is coitianta ná Home Premium agus Professional. Beidh costas de £79.99 ar Home Premium go dtí 1 Eanáir 2010 nuair a ardóidh an praghas go £99.99.

Úsáideann Windows 7 suas níos lú acmhainní ar an ríomhaire ná mar a úsáideann Vista rud a chiallaíonn go dtosaíonn sé níos gaiste agus gur féidir é a reáchtáil ar ríomhairí níos lú le crua earraí níos laige.

Cruthaigh suíomh idirlíon saor in aisce d’imeacht atá a reáchtáil agat

2009-10-21T14:45:00.001+01:00

http://www.yola.com/

Tá suíomh idirlíon ann a ligeann duit suíomh idirlíon a chruthú saor in aisce gan mórán taithí ríomhaireachta ag teastáil. De gnáth bíonn costas ar a leithid de seirbhís ach sa chás seo ní chosnaíonn an seirbhís aon rud.
Is féidir leat teacs, pictiúr, físeáin, ceistneoir agus go leor eile a chur ar an suíomh seo ag úsáid teicneolaíochtaí ‘drag and drop’. Le blianta anuas bhí saineolas éigin ag teastáil le suíomh idirlíon agus blas beag HTML riachtanach, ach le teacht na seirbhísí seo is féidir le duine ar bith suíomh idirlíon a chruthú taobh istigh de uair a chloig. Is féidir teicneolaíochtaí ríomhthrachtáil, blag agus fiú seoladh speisialta a cheannach don suíomh ar an laithreán seo.

Daonáireamh 1911 ar fáil ar líne

2009-10-20T17:37:00.001+01:00

http://www.census.nationalarchives.ie/

Tá daonáireamh 1911 ar fáil ar líne anois go digiteach. Is féidir cuardach a déanamh ar na sonraí ar fad atá acu agus bun chóip de na foirmeacha a bhí líonta isteach ag daoine ar an óiche sin i mí Aibreán 1911. Bíonn sonraí ar fáil faoi cén teanga a bhí ag na daoine chomh maith le leibhéal liteartha a bhí acu. Is féidir leat a fháil amach faoi slí bheatha na daoine agus cén cineál teach ina raibh siad ina chónaí ann. Tá sé fíor spéisiúil mar uirlis agus d’fheadfá na huaireanta a’ chloig a chaitheamh ag amharc ar na staitisticí agus ag lorg daoine clúiteach. Is féidir leat dul isteach agus amharc ar sonraí aon duine ar bith agus bíonn sé spéisiúil amharc ar na daoine mór le rá ar nós Peig Sayers agus Oliver St. John Gogarty. Chomh maith le sin tá sonraí spéisiúil ann faoi conas mar a bhí an tír seo sa bhliain 1911. Tá pictiúir ann den Titanic á thógáil, foireann peil gaelach Chiarraí a bhain craobh na hÉireann i 1911.

Príomhfheidhmeannach Microsoft ag súil le ardú ar díolachán ríomhairí pearsanta nuair a thagann Windows 7 amach

2009-10-20T17:35:00.001+01:00

Tá príomhfheidhmeannach Microsoft, Steve Ballmer ag súil go mbeidh ardú beag ar díolachán ríomhairí mar gheall ar lainseáil ar Windows 7 ag deireadh na míosa. Tá Windows 7 le teacht isteach le áit Vista a thógáil sa mhargadh. Is léir nach bhfuil an oiread sin daoine róshásta le Vista agus atá ag iarraidh athrú go Windows 7 chomh luath is gur féidir.

Ar an drochuair do Microsoft is cosúil nach bhfuil ach 40% de comhlachtaí chun athrú go Windows 7 mar gheall ar gearradh siar ar caiteachas agus an fhaitíos atá orthu nach oibreoidh na bogearraí atá acu cheánna féin in éineacht le Windows 7.
Beidh Windows 7 ar fáil go forleathan ar an 22 Deireadh Fómhair.

Iris nua teicneolaíochta do mhargadh na hÉireann

2009-10-20T17:34:00.002+01:00

Click Magazine
“Ireland’s Movies, Gaming and Technology Magazine”

Ar cheann de na gearáin a bhí ag muintir na tíre seo a bhfuil spéis acu i gcúrsaí teicneolaíochta ná nach raibh iris ag freastal orthu ar choir ar bith. Tá an fhadhb sin réitithe faoi dheireadh le iris nua darbh ainm Click. Is meascán atá san iris seo de ábhair éagsúla leis an mhargadh is leithne a shásamh. Bíonn léirmheasanna acu ar scannáin, cluichí agus ar trealamh teicniúil. Chomh maith le sin bíonn agallamh acu le daoine mór le rá as an tír seo agus thar lear. B’fhiú go mór an iris seo a thriail má tá aon spéis agat idir mór agus beag i gcúrsaí teicneolaíochta. Tagann sé amach chuile dhá mhí agus níl chosnaíonn sé ach €3.50.

Teilifís Ardtaifeach (High Definition Television)

2009-10-20T17:23:00.008+01:00

Faoi láthair bíonn go leor cainte faoi teilifís ardtaifeach. Is é an caighdeán nua atá ann ó thaobh an caighdeán físe agus fuaime gur chóir a bheith ag súil leis agus muid ag déanamh uasghrádú ar teilifís.

Buntáistí
An príomh buntáiste atá ann le teilifís ardtaifeach ná go bhfuil sé soiléir láithreach go bhfuil an caighdeán ar an pictiúr i bhfad níos airde ná an gnáth pictiúr. Mar gheall go bhfuil an sraith ag teacht chugat go digiteach ba chóir go mbeadh na dathanna níos soiléir agus idirdhealú idir daoine/cúlra níos fusa a oibriú amach. Bíonn caighdeán níos airde ar an fuaim chomh maith agus an deis níos mó cainéal fuaime a chur ar fáil le ‘surround sound’ a chur ar fáil.

Na Teilifíseáin
Úsáideann na teilifíseáin seo teicneolaíocht LCD (Liquid Crystal Display) in áit teicneolaíocht CRT (Cathode Ray Tube). An impleacht atá le seo ná nach féidir le sean teilifís HD a thaispeáint. Caithfidh tú an trealamh ceart a bheith agat i gcónaí agus ní leor teilifís ar bith a úsáid. Buntáiste eile leis na teilifís nua na nach úsáideann siad an oiread leictreachas céanna is a úsáideann an sean CRT. Tá sé seo réasúnta soiléir nuair a ndéanann tú comparáid idir an líon teas a ghineann an dhá chineál teilifís.

HD Ready – Cad is brí leis?
Cad is brí le “HD Ready”? An bhfuil níos mó ná caighdeán amháin ann? Céard é an ceann is déanaí?

Amach anseo beidh na craoltóirí ag díriú ar teilifís ardtaifeach a chraoladh agus gur an caighdeán a bheas ann. Faoi láthair sé an caighdeán is airde atá ann ná 1080p (progressive). Bíonn costas níos airde ar na teilifís seo ach lena chinntiú go bhfuil saolré fada ag an infheistíocht atá á dhéanamh agat b’fhiú an teicneolaíocht seo a roghnú.

Faoi láthair ar RTÉ tá craoladh déanta ar cluichí CLG in ardtaifeach. An céad ceann a bhí ann ná an cluiche idir Baile Átha Cliath agus Co. Laoise i gCraobh Laighin na bliana seo. Tá tíortha eile chun tosaigh orainn sa tír seo ach thar na blianta atá romhainn bí ag súil go mbeidh níos mó de na craolacháin is mó ar fáil go digiteach.

Blu-Ray, Sky HD agus Cluichí
Faoi láthair an príomh úsáid a mbaineann daoine as HD ná na dioscaí nua Blu-Ray atá ag glacadh áit an DVD. Bíonn an tuafás acu ar fáil sna siopaí faoi láthair agus an praghas ag titim orthu i gcónaí. Is féidir seinnteoir Blu-Ray a cheannach ar níos lú ná €200 anois.

Bíonn cláracha Sky ar fáil i HD chomh maith ach amháin go gcaithfidh tú síntiús HD a fháil uaidh Sky chomh maith le bosca Sky speisialta gur féidir HD a láimhseáil. Cosnaíonn sé seo €14.75 sa bhris in aghaidh na míosa.

Bíonn HD in úsáid ag na cluichí ríomhaireachta chomh maith ar an Xbox 360 agus an PS3. Leis an caighdeán físe is fearr a fheiscint ba chóir teilifís HD a bheith agat ar an caighdeán 1080i ar a laghad.

Costas
Tá na teilifís seo costasach go leor go fóill ach tá an praghas orthu ag titim i gcónaí.

Seo sampla ar an chineál teilifís seo:

Argos Leitir Ceanainn

Argos Doire

£329.99 = €356.45
(ráta aistrithe 7/10/2009 src xe.com)

Save a Few Bob

2009-10-20T17:21:00.001+01:00

http://www.saveafewbob.ie/

Tá suíomh idirlíon nua ann darbh ainm saveafewbob.ie . Ar an suíomh seo bíonn eolas ar fáil ar conas airgead a shábháil ar roinnt tairgí éagsúla. I measc na gnéithe atá ann tá

Personal Finance
Family Spending
Health and Beauty
Lifestyle
Technology
Value Blog

Bíonn cuiditheoir mór le rá acu chomh maith ar nós Kevin Dundon, Laura Bermingham agus Adrian Weckler.

Chomh maith le sin bíonn slarmhargaidh na seachtaine acu chuile seachtain.

Is féidir an cur isteach leis an nuachtlitir seachtainiúil a fháil ar ríomhphost. Cuirfidh an ríomhphost seo tú ar an eolas ar céard iad na praghsanna is fearr atá ar fáil.

Raidió DAB

2009-10-20T17:19:00.000+01:00

Tá cláracha raidió a chraoladh ag RTÉ ar corás DAB. Cad é, an fiú é & an bhfuil craoltóirí eile go naisiúnta & go hidirnáisiúnta ag dhul leis an gcóras seo?

Tá RTÉ ag craoladh ar an córas DAB le roinnt blianta anuas ar bhonn trialach. An rud atá i gceist le DAB (Digital Audio Broadcasting) ná raidió gur féidir a sholáthar go digiteach. Mar gheall ar an modh seachada seo is féidir a chinntiú go bhfuil an caighdeán fuaime níos airde agus gur féidir níos mó sonraí a chur ar fáil le taispeáint ar an scáileán digiteach ar nós sonraí faoin clár reatha, amhrán reatha, comórtais agus go leor eile. Sna h-ochtóidí sé an gluaiseacht teicniúil reatha a bhí ann ná Raidió FM. Tháinig forbairt ar seo thar na blianta ar nós an seirbhís RDS a chur leis a chuireann i láthair cén staisiún atá tú ag éisteacht leis ar scáileán an raidió. Faoi láthair is é DAB an chéad ghluaiseacht eile.

Tá roinnt mhaith stáisiúin breise ar fáil ar DAB go háirithe ó RTÉ. I measc na stáisiúin atá á sholáthar ag RTÉ tá:

RTÉ Radio 1
RTÉ Radio 1 Extra
RTÉ 2fm
RTÉ Lyric FM
RTÉ Raidió na Gaeltachta
RTÉ Choice
RTÉ Gold
RTÉ 2XM
RTÉ Junior
RTÉ Chill
RTÉ Pulse

I measc na stáisiúin eile a bhí ag craoladh ar bhonn trialach bhí:

All 80’s
Dublin’s 98
FM104
Mocha
Newstalk
Phantom 105.2
Q102
Radio Kerry
Today FM
Spin 103.8

An féidir liom DAB a phiocadh suas?
Faoi láthair níl DAB ach ar fáil in áiteanna ina bhfuil daonra ard ann. Tá craoladh ar súil ó Three Rock agus Clermont Carm i gCúige Laighin, Woodcock Hill i Luimneach agus Spur Hill i gCorcaigh. An brí atá le seo ná nach bhfuil an seirbhís ar fáil ach i Luimneach, Corcaigh, Baile Átha Cliath agus i gCo. Lú. Is ionann seo agus 44% de daonra na tíre.

An bhfuil sé cothrom gur féidir le roinnt daoine DAB a phiocadh suas agus nach féidir le roinnt eile?

Is ceist seanbhunaithe atá anseo, díolann chuile teaghlach as an cheadúnas teilifíse chuile bhliain ar costas €160. Is cuma cá h-áit ina bhfuil tú i do chónaí cosnaíonn sé an praghas céanna. Ar chóir go mbeadh an seirbhís céanna ar fáil do chuile duine dá bharr? Tá roinnt daoine atá fós ag strachailt leo ag iarraidh comhartha maith teilifíse a phiocadh suas ná hábhair faoi DAB a phiocadh suas. An bhfuil seasamh ag na daoine nach bhfuil ag fáil an seirbhís céanna le chuile duine eile gan an ceadúnas teilifíse a cheannach. Faoi na rialacha atá ceangailte leis an Acht um Díolachán Earraí agus Soláthar Seirbhísí ba chóir go mbeadh aon seirbhís atá á cheannach agat ar caighdeán ard. An bhfuil an droch seirbhís faoin tuath ag briseadh na rialacha seo?

An bhfuil aon slí eile leis na seirbhísí seo a fháil?
Is féidir na seirbhísí seo a fháil thar an idirlíon. Tá na stáisiúin ar fad atá ag RTÉ ag craoladh thar an idirlíon agus is féidir giuirléid a íoslódáil a ndéanann raidió beag digiteach a leabú isteach sa deasc i Windows.

Idirlíon ar fáil ar busanna McGinley

2009-10-20T17:13:00.006+01:00

Tá an comhlacht bus Conallach John McGinley ag tairiscint seirbhís idirlín gan sreang ar a chuid busanna i láthair na huaire. Is gluaiseacht an-fiúntach atá anseo agus is maith an rud é go bhfuil an ceangal atá á thairiscint an-láidir.

Tá athrú tagtha ar an modh atá againn cumarsáid a dhéanamh lena chéile agus siamsaíocht a sholáthar dúinn féin le blianta beaga anuas. Is annamh a fheiceann tú duine ag iompar an-chuid dlúthdhioscaí timpeall leo agus is cosúil go bhfuil an caiséid fuaime imithe an slí céanna leis an dineasár. Sa lá atá inniu ann bíonn daoine ag iompar sonraí digiteach leo agus iad ag iarradh an t-am a chaitheamh ar turas fada. Is annamh a scríobhann duine óg dialann traidisiúnta, bíonn siad ag scríobh tweets ar Twitter nó ag uasdátú Facebook, MySpace agus Bebo. Tá roinnt daoine a ndeireann nach rud maith é an ré digiteach seo agus daoine eile atá go hiomlán i bhfábhar an seirbhís.

Iomaíocht
Tá McGinley’s ag leanúint comhlachtaí bus eile atá ag soláthar an seirbhís céanna, ar nós, JJ Kavanagh, Aircoach, Collins Coaches agus go leor eile. Is dócha go bhfuil sé tagtha chuig an pointe go bhfuil an-iomaíocht san earnáil seo le blianta beaga anuas. Bíonn daoine ag baint úsáide as seirbhísí eitleán níos minice anois mar gheall go bhfuil an praghas ar na ticéid ag titim í gcónaí. Caithfidh na comhlachtaí busanna seirbhís sa bhreis a chur ar fáil lena chinntiú gur féidir daoine a mhealladh i dtreo an modh taistil sin.

Deiseanna
Tá deiseanna an-mhór i gceist leis an seirbhís nua seo do comhlachtaí teicniúil atá beagánín glic. Níl aon fáth nach féidir seirbhís scannán a sholáthar ar na busanna do na custaiméirí a ligeann dóibh rogha leathan scannáin a fháil ar an iPhone, Playstation Portable nó Zune díreach ón idirlíon. Tá deiseanna ann chomh maith maidir le fógraíocht agus fógraí a sholáthar bunaithe ar cá háit ina bhfuil an bus ag am airithe. Osclaíonn sé seo an margadh fógraíochta suas do comhlachtaí beaga chomh maith leis na comhlachtaí ilnáisiúnta a fheiceann tú ar na fógraí de ghnáth.

Is féidir le daoine imirt in éadan a chéile ar na ghléasanna nua siamsaíochta ar nós an Playstation Portable agus an Nintendo DS ag baint úsáide as an ceangal idirlíon. Is féidir leo cluichí a íoslódáil chomh maith agus iad ar turas fada. Bheadh ort a cheistiú an mbeadh an comhlacht bus i dteideal íocaíocht ó comhlacht siamsaíochta bunaithe ar an líon díolachán a mbíonn déanta ar a chuid turais. Sraith ioncam eile?

Na Gléasanna

PSP Go (Playstation Portable)

Seo gléas nua atá ag teacht amach ag Sony i gceann míosa atá deartha go speisialta le hoibriú ar-líne. Is féidir cluichí, físeáin agus ceol a íoslódáil chuig an crua dhiosca 16GB inmheánach. Is féidir ceangal leis an Playstation 3 sa bhaile ag baint úsáide as an ceangal idirlín agus amharc ar scannáin atá stóráilte sa bhaile fad is atá tú as baile.

Sony Reader

Is ionann an Sony Reader agus leabhar digiteach. Is féidir na céadta agus na mílte leabhair a stóráil ar an gléas seo agus é a léamh ar nós gnáth leabhar. Le seirbhís idirlín is féidir breis leabhair a íoslódáil agus iad a léamh. An-mhaith do turas fada.

Apple iPhone
Tá Apple tar éis iPhone nua a lainseáil le déanaí le níos mó spás stórála agus an deis éisteacht le ceol, amharc ar pictiúir, ceangal leis an idirlíon, amharc ar scannáin, cluichí a imirt agus chreid nó ná chreid – scairt guthán a dhéanamh.

Netbook
Le cúpla bliain anuas tá úsáid an Netbook tar éis leathnú amach ó thaobh úsáid ginearálta, go háirithe i measc an aos óg. Is é an rud atá ann ná ríomhaire glúine níos lú nach ghlacann suas an oiread spás céanna agus nach úsáideann suas an oiread cumhacht céanna. Bí cinnte go mbeidh na gléasanna seo le feiceáil ar busanna amach anseo agus daoine ag seoladh ríomhphoist, ag uasdátú an Bebo nó ag amharc ar scannán.

Todhchaí

Beidh le feiceáil cén todhchaí atá ann ó thaobh an ceangal idirlíon a úsáideann an ghnáth duine ach bí cinnte go mbeidh beagán áit nach mbeidh teacht agat ar ceangal leathanbhanda i gceann cúpla bliain.

Bí “Ceart” - Gramadóir na Gaeilge ar fáil anois

2009-10-20T17:09:00.001+01:00

http://www.cruinneog.com/

Tá bogearra nua ar fáil anois a ndéanann seiceáil ar gramadach na Gaeilge darbh ainm Ceart. Ceann de na gearáin a bhíonn ag daoine faoin Ghaeilge ná cé chomh casta is atá an ghramadach ar chúl na teanga. Is é Ceart an réiteach ar an scéal sin. Is feidhmchlár leis féin atá sa bhogearra seo. Is féidir leis an úsáideoir aiste iomlán a ghreamú isteach i gCeart agus an doiciméad uilig a sheiceáil. Nuair a aimsíonn Ceart botún tugann sé moltaí don úsáideoir ar conas gur féidir an botún a cheartú.

Níl an bogearra seo costasach, ní chosnaíonn sé ach €29.99 don duine aonarach agus níos saoire fós do scoileanna agus ollscoileanna. Ba chóir d’aon duine atá i mbun oibre trí mhéan na Gaeilge an bogearra seo a cheannach le proifisiúntacht a chuid saothar a fheabhsú. Má úsáidtear an uirlis seo in éineacht le Gaelspell nó litreoir ar bith eile níl aon chúis nach féidir le chuile duine foilseacháin gnó d’ardchaighdéan a sholáthar. Chomh maith leis seo, foghlaimíonn tú trí na botúin a dhéanamh agus iad a cheartú agus píosa ar phíosa íslíonn an líon botúin a bhíonn déanta.

Is féidir cóip chrua den bhogearra a fháil nó cóip a íoslódáil ag an suíomh idirlíon http://www.cruinneog.com/ .

Seirbhís trí mhéan na Gaeilge ar fáil ar Google Translate

2009-10-20T17:05:00.002+01:00

translate.google.com

Ar an 24ú Lúnasa i mbliana rinneadh lainseáil ar an tseirbhís ghaelach ar Google Translate. Séard atá ann le Google Translate ná uirlis atá ar fáil ar líne a chabhraíonn le daoine sliocht téacs a aistriú ó theanga amháin go teanga eile. Faoi láthair tá 51 theanga difriúil ar fáil ar Google Translate, an Ghaeilge san áireamh, agus tá teanga ar bith inaistrithe go teanga ar bith eile. Ag an am seo níl sa tseirbhís ach leagan béta, rud a chiallaíonn nach bhfuil an tseirbhís foirfe go fóill. Is féidir leis an ghnáth duine cabhrú le Google an tseirbhís a fheabhsú trí bhotúin a cheartú.

Cén úsáid a bheas ag an uirlis seo sa todhchaí?
Tá impleachtaí móra ag an tseirbhís seo ag amharc chun tosaigh. Ag baint úsáide as an teicneolaíocht ar chúl na seirbhíse seo níl aon fáth nach féidir leis an ghnáth duine chuile suíomh idirlíon a aistriú go teanga ar bith fad is atá na sonraí á íoslódáil agus á thaispeáint ar an scáileán. Tugann sé seo deiseanna móra don ghnáth duine ó thaobh réimse léitheoireachta a bheas ar fáil dóibh. Amach anseo is féidir leat a bheith ag súil go mbeidh tú in ann an New York Times nó an Washington Post a léamh go hiomlán trí mhéan na Gaeilge chuile lá, ó chlúdach go clúdach. Rud mór a bheadh anseo don teanga tar éis an bhuille mór thar an Samhradh le himeacht Foinse.

Déanfaidh an teicneolaíocht seo difear mór ó thaobh obair An tAontas Eorpach agus an líon doiciméadú gur féidir leo a sholáthar thrí mhéan na Gaeilge.

Beidh impleachtaí móra le feiceáil chomh maith i dteicneolaíocht na siamsaíochta. Tá chuile seans go mbeidh an teicneolaíocht ar chúl an chláir teilifíse in ann fotheidil a dhéanamh go huathoibríoch ag úsáid teanga amháin mar threoir. Tá an fhéidearthacht ann chomh maith an teicneolaíocht a neadú isteach i gcluichí ríomhaireachta téacsbhunaithe agus na cluichí sin a chur ar fáil trí mhéan na Gaeilge.

I gcás teachtaireachtaí meandaracha níl aon fáth nach féidir le duine as an tír seo labhairt le duine as tír eile ag úsáid dhá theanga éagsúil agus aistriúchán ag tarlú de réir mar atá na teachtaireachtaí á sheoladh.

Seo é an sliocht thuas curtha tríd Google Translate:

An aistriúchán a chruthaigh Google Translate

On August 24 this year the launch of the service carried articles on Google Translate. What existing Google Translate is a tool available online to help people extract text translated from one language to another. Currently there are 51 different languages available on Google Translate, the language included, and any language is transferable to any other language. At this time in service but not beta version, which means the service is not perfect yet. Can usually help people with Google by improving the service to correct errors. What used to secure the future of this tool? Has major implications for this service at front sight. Using the technology behind this service there is no reason why not usually possible with the web site each person to transfer any language so long as the data being downloaded and displayed on the screen. This brings great opportunities for ordinary people in terms of a reading area will provide them. Out here you can expect that you will be able the New York Times or the Washington Post read fully through the Irish language daily, from cover to cover. Which would need the language here after the world over the summer bhuille over Source. This technology will affect the world of work in European Union and the number of documentation that can be provided through the Irish. Major implications will also appear in entertainment technology. Are all likely that the technology behind the television program can automatically make subtitles using one language as a guide. There is also the possibility of embedding technology into computer games and the games that téacsbhunaithe provide through Irish. In the case of instant messages no reason why one can not from this country to speak with someone from another country using two different languages and translation occur as the messages being sent.

Polaitíocht na hÉireann sa Ré Digiteach

2009-05-26T17:27:00.001+01:00

Is cosúil go bhfuil polaitíocht na hÉireann tar éis céim chun tosaigh i gcomhthéacs na teicneolaíochta le tamall anuas. Le chuile olltoghchán, toghchán áitiúil, toghchán eorpach agus reifreann a theann ar aghaidh tá forbairt á dhéanamh ar cumas polaiteoirí dul i dteagmháil le toghthóirí na tíre. Is féidir an teagmhail seo a dhéanamh ar bhealaí i bhfad níos saoire agus níos gaiste ag baint úsáide as an idirlíon agus na teicneolaíochtaí timpeall ar an idirlíon. Mura fhágann Barak Obama ach lorg coise amháin ar polaitíocht domhanda is cinnte go mbeidh sé ag baint le leas a bhaint as na nuatheicneolaíochta le suim an gnáthdhuine a spreagadh as pholaitíocht. Seo a rinne a leithid de JFK agus RFK sna seachtóidí agus sna seascaidí le teilifís satilít.

Buíochas mór le Dia tá lucht polaitíochta na tíre seo ag dul síos an treo céanna. Le déanaí tá lainseáil déanta ar cúpla suíomh idirlíon a éascaíonn an mbealach gur féidir leat dul i dteagmháil ar na polaiteoirí uilig atá ag seasamh i dtoghchán na hEorpa.

www.tascdemocracy.ie
Ar an suíomh seo is féidir leat eolas a fháil ar an toghchán agus faoin eagras Tasc. Go pointe is tairseach atá sa suíomh seo chuig suíomhanna éagsúla eile atá faoi scáth Tasc.

www.candidatewatch.ie
Tá an suíomh seo an-mhaith le teagmháil a dhéanamh le polaiteoirí atá ag seasamh sa toghchán. De bharr go bhfuil na ceantracha i dToghchán na hEorpa chomh mór sin tá an baol ann nach mbeidh an deis ag chuile iarrthóir cuairt a thabhairt ar chuile ceantar. Ag bhaint úsáide as an suíomh seo is féidir a chinntiú go bhfeiceann na polaiteoirí do chuid ceisteanna agus freagra a thabhairt orthu.

Go dtí seo níl an oiread ceisteanna curtha ar na polaiteoirí agus tá níos lú fós de freagraí fágtha acu. Is dócha go mbaineann sé seo leis an easpa eolas atá ag daoine faoi a leithid de áis.

An t-aon iarrthóir in Iarthuaisceart na tíre atá tar éis freagra a thabhairt ar ceist ar bith ná Fiachra Ó Luain (Neamhspleách). Siad Proinsias De Rossa (Lucht Oibre), Joe Higgins (Sóisialach), Kathleen Funchion (Sinn Féin) agus Tomás Sharkey (Sinn Féin) na polaiteoirí is gníomhach ar an suíomh seo.

www.votematch.eu
Tá Vote Match ina suíomh maith do daoine nach bhfuil róchinnte faoi polataíocht na hEorpa agus na tosaíochtaí atá ann. Sé an rud a ndéanann an suíomh seo ná go gcuireann sé ceisteanna ort maidir le polasaithe atá i mbeal an phobal agus ag deireadh an ceistneoir insíonn sé duit cén chineál polaitíocht atá agat agus cé do gur chóir duit a bheith ag vótáil.

An deacracht is mó a bhí agam le roinnt de na cisteanna seo ná nach raibh an oiread sin suime agam iontu agus is cinnte don aos óg nach mbeidh siad ag iarraidh a chuig am saor a chaitheamh ag freagairt ceisteanna faoi polasaithe talmhaíochta uile-Eorpach! Measaim go gcaithfidh siad ceistneoir a dhearadh atá in oiriúint do haoisghrúpaí éagsúla.

Turasóireacht faoi bhláth in Éirinn

2009-05-26T17:25:00.000+01:00

Tá turasóireacht faoi bhláth in Éirinn faoi láthair mar gheall go bhfuil praghsanna ar saoire sa tír seo ag titim i gcónaí mar thoradh ar an géarchéim eacnamaíochta. Chreid nó ná chreid, de réir staidéir atá déanta ag cnn.com, mheastar go mbeidh ardú ar an líon turasóirí a bheas ag teacht as Mheiriceá i mbliana mar gheall ar an luach atá siad ag fáil ar a chuid airgead. Is féidir le duine seachtain saoire a fháil sa tír seo (eitilt ó New York, 6 oíche lóistín agus carr ar cíos thar tréimhse seachtaine) ar $599. Tá an praghas seo dochreidte agus is cinnte go bhfuil an praghas seo i gcomórtas le aon áit eile ar domhain.

Ba chóir do mhuintir Dún na nGall an deis seo a thapadh leis an lámh in uachtar a fháil ar an chuid eile den tír ó thaobh turasóireachta de. Tá acmhainní de scoth ar fáil i nGaeltacht Thír Chonaill agus ba chóir go mbeadh muid á dhíol ar bealach níos fearr.

Is féidir acmhainní ar-líne a úsáid leis an fógraíocht seo a dhéanamh agus pacáistí siamsaíochta mar is ceart a sholáthar. Cén fáth nach féidir linn na tithe saoire ar fad a fhógairt ar aon ‘hub’ amháin ar an idirlíon? Chomh maith le turais, imeachtaí agus chuile rud eile a ndéanann an ceantar seo chomh maith is atá. Ba chóir go mbeadh muid ag díol an teanga in éineacht le lóistín, imeachtaí, ceol, bia agus chuile rud eile atá ar fáil.

Le roinnt seachtain anuas tá daoine tar éis teagmháil a dhéanamh liom faoi conas gur féidir leo teach saoire a fhógairt ar-líne chun an margadh is leithne a aimsiú. Níl freagra cruinn ar an cheist seo mar gheall go bhfuil oiread nithe á fhógairt ar líne sa lá atá inniu ann. Measaim féin an bealach is fusa le seo a dhéanamh ná suíomh idirlín iomlán a dhearadh a ndéanann margaíocht ar Ghaeltacht Thír Chonaill amháin.

Má tá suim agat i turasóireacht sa contae seo b’fhiú cuairt a thabhairt ar an suíomh idirlíon donegaldirect.ie le roinnt nod a fháil ar céard atá á lorg ag custaiméirí.

Aon rud a dhíol nó a cheannach i nDún na nGall

2009-05-26T16:55:00.001+01:00

www.flogitdonegal.com

Tá suíomh idirlíon nua ann atá dírithe go speisialta ar daoine as Dún na nGall. Is féidir leat aon rud a dhíol nó a cheannach ar an suíomh seo. Faoi láthair níl an oiread sin nithe ar díol ar an suíomh ach tá an líon seo ag fás de réir a chéile. Is féidir leat do chuid earraí nó seirbhísí a eagrú de réir chineál agus do chuid sonraí teagmhála a chur ar fáil. Cosnaíonn sé €3 rud éigin a liostáil. Tá an suíomh seo ina acmhainn maith má tá tú ag iarraidh rud éigin mór nó trom a cheannach nó a dhíol mar gheall gur féidir leat an costas an-ard ar postas a sheachaint. Má tá duine ag iarraidh troscán a cheannach nó a dhíol ar a leithid de ebay bheadh costas an-ard le díol as an seachada an beart sin. Má tá cónaí ort i nDún na nGall agus an díoltóir nó ceannaitheoir sa chontae céanna is féidir leo é a bhailiú uait.

B’fhiú go mór cuairt a thabhairt ar an suíomh seo le fáil amach an bhfuil sladmhargadh ar fáil ar aon tairge nó seirbhís nó d’fheadfá toiseacht ag díol do chuid earraí ar an suíomh seo má tá aon rud nuálach agat.

Uirlis nua eisithe ag RTÉ – An RTÉ Player

2009-05-26T16:53:00.000+01:00

Tá uirlis digiteach nua eisithe ag RTÉ darbh ainm an RTÉ Player. Tá an seinnteoir seo mar mír breise atá ar fáil ar an suíomh idirlíon atá ag RTÉ ag rte.ie. ‘Sé an seoladh iomlán ná rte.ie/player.

Is iad na acmhainní atá ar fáil ar an suíomh seo ná na sean cláracha ar fad a chaill tú ar RTÉ. Coinnítear an cartlann thar tréimhse míosa agus bheireann sé deis duit amharc ar clár a chaill tú agus é craolta beo. Ní hamháin na cláracha féin-déanta ar nós Prime Time, Questions and Answers agus an Nuacht atá ar fáil ach na cláracha idirnáisiúnta ar nós Grays Anatomy, Desperate Housewives agus a leithid chomh maith.

Siad an BBC a chur tús le seirbhís mar seo timpeall ar dhá bhliain ó shin leis an iPlayer atá acu. Ar an droch uair ní raibh an seirbhís ar fail do daoine sa tír seo mar gheall ar coinníollacha ceadúnais.

Anois tá réiteach againn ar an fhadhb seo mar gheall ar go bhfuil seirbhís díreach chomh maith ceánna á chur ar fáil ag RTÉ.

Tá sé an simplí an seirbhís seo a úsáid, níl le déanamh ach dul ar an idirlíon agus an clár a theastaíonn uait a roghnú.
Is dócha an chéad ghluaiseacht eile atá ag teastáil sa tír seo ná teilifís digiteach saor in aisce agus cé gur thit an chéad chonradh as a chéile le seo a sholáthar le déanaí táim dóchasach go mbeidh a leithid de seirbhís ar fáil gan mhoill.

An bhfuil muid ag chosaint ár gcuid paistí?

2009-05-26T16:31:00.010+01:00

Sa lá atá inniu ann tá an líon ilmheán atá ar fáil i ngach uile foirm ag méadú agus ag éirí níos réalaí. Is cuma mas scannán, póstaeir, iris nó cluiche ríomhaireachta atá ann tá na grafaicí, íomhanna, fuaimeanna agus téamaí ag láidriú bliain tar éis bliain.

Le teacht an idirlíon tá sé ag éirí níos deacra agus níos deacra súil a choinneáil ar páistí agus déagóirí agus an méid a bhíonn ar bun acu ar ríomhaire. Is féidir leo scannáin a íoslódáil, ceol a íoslódáil agus cluichí a íoslódáil agus toiseacht ag baint úsáide as na meáin seo.

An bhfuil a fios againn céard atá ár chuid paistí ag déanamh? Don mórchuid tá – ach tá an céatadán beag sin ann atá ag déanamh rudaí ar an ríomhaire i ngan fhios dúinn.

Cur i gcás an páiste / déagóir glic nach bhfuil ach ceithre bhliain déag d’aois agus atá ag iarraidh an scannán ar a bhfuil teastas 18 ceangailte leis. Ní féidir leo é a fheiscint sa phictiúrlann, ní féidir leo é a fháil amach ar cíos agus ní féidir leo é a cheannach. An bhfuil aon rud ag cur cosc orthu é a íoslódáil i bhfoirm digiteach agus amharc ar fiú ar iPod nó Sony PSP? Ar an droch uair sé freagra na ceiste seo ná – níl. Caithfimid reachtaíocht níos deise a thabhairt isteach le páistí a chosaint in éadan seo agus go dtí sin caithimid a chinntiú go bhfuil muid ag glacadh na roghanna ceart sa bhaile le seo a sheachaint.

IFCO (Irish Film Classification Office / Oifig Aicmithe Scannán na hÉireann)

Tá IFCO i gceannas ar socruithe a chur i bhfeidhm ó thaobh teastas a bhronnadh ar scannán nó cluiche sa tír seo. Is annamh a bhfuil scannán nó cluiche coiscthe sa tír seo ach tarlaíonn sé.

Tá leagadh amach difriúil ann do na teastais atá ann ag brath ar mas pictiúrlann nó físeán/DVD atá i gceist.

Seo é an bealach a n-oibríonn na teastais difriúla:

Pictiúrlann
G - Ginearálta – Oiriúnach go gach duine
PG – Treoir Tuismitheora – Iarrtar ar tuismitheoirí a bheith in éineacht le páistí níos óige.
12A – Íosaois iontrála ná 12 ach is féidir le páistí níos óige a bheith i láthair in éineacht le tuismitheoir.
15A - Íosaois iontrála ná 15 ach is féidir le páistí níos óige a bheith i láthair in éineacht le tuismitheoir.
16 – Íosaois iontrála ná 16.
18 – Íosaois iontrála ná 18.

DVD/VHS
G – Ginearálta – Oiriúnach do gach duine
PG - Treoir Tuismitheora - Iarrtar ar tuismitheoirí a bheith in éineacht le páistí níos óige.
12 - Oiriúnach d’aon duine atá 12 d’aois nó os a choinn.
15 - Oiriúnach d’aon duine atá 15 d’aois nó os a choinn.
18 - Oiriúnach d’aon duine atá 12 d’aois nó os a choinn.

Tá sé suimiúil an bealach a bhfuil na teastais seo difriúil agus go bhfuil an seans ann go mbeadh duine in ann scannán a fheiscint ar físeán ach ní bheadh siad in ann an scannán céanna a fheiscint sa phictiúrlann!

Le teacht a leithid de piratebay.org agus suíomhanna atá bainteach le comhain torrent is féidir le duine íoslódáil a dhéanamh ar scannán ar bith – fiú sula dtagann sé amach sna phictiúrlainne!

Windows Parental Controls

Is féidir le daoine socruithe difriúla a chur i bhfeidhm i Windows le paistí a chosaint in eadan ilmheán nár chóir go mbeadh rochtain acu ar. I measc na nithe atá ann tá:

Srian ar an Idirlíon: Blocáil a dhéanamh ar suíomhanna idirlíon ar a bhfuil ábhair pornagrafaíochta, drugaí, ríomhphost gréasáin, toirt teachtaireachtaí agus íoslódáil.

Teorann Ama: Is féidir teorann ama a chur ar úsáid an ríomhaire chuile lá. Leis an socrú seo is féidir a chinntiú nach mbíonn paistí ag úsáid an ríomhaire ar feadh treimhsí fada.

Srian ar cín chineáil cluichí: Le teacht na nuatheicneolaíocht tá an chineál cluiche ag athrú an t-am ar fad agus tá siad ag éirí i bhfad níos réalaí. Is féidir bac a chur ar cluiche bunaithe ar an teastas atá bronnta ar ag an ESRB, PEGI, BBFC nó IFCO.

Srian ar feidhmchlár áirithe: Is féidir leat srian a chur ar feidhmchlár áirithe chomh maith.

Tuairisc Gníomhaíocht: Is féidir tuairisc a ghiniúint den gníomhaíocht a bhí ag an ríomhaire agus a fheiscint go díreach céard a bhí ar bun ag duine ar léith agus cén uair a tharla sé.

Cluichí

Is féidir leat srian a chur ar na máisín seo a leanas ó thaobh an chineál cluiche gur féidir a imirt.

Playstation 3
Playstation Portable
Xbox 360
Nintendo Wii
Nintendo DSi (Níl an srian seo ar fáil ar an gnáth DS)

Is féidir gan cead a thabhairt do phaistí cluichí nach bhfuil deartha don aois sin a choinneáil amach. Chreid nó ná chreid, cé go bhfuil íomha ag an Wii go bhfuil sé deartha do phaistí an tá an t-aon cluiche atá cosc dlithiúil ar sa tír seo deartha don Wii, Manhunt 2. I measc na cluichí foréigneach eile don máisín soineanta seo tá Madworld, Resident Evil 4, Resident Evil Umbrella Chronicles agus go leor eile. B’fhiú a bheith cúramach.

Má tá cosc dlithiúil ar cluiche ní féidir é a cheannach?

Cé go bhfuil cosc ar an cluiche Manhunt 2 don Wii sa tír seo níl aon cosc ar i dTuaisceart Éireann. Is féidir le déagóir siúl isteach i siopa i nDoire, mar shampla, agus é a cheannach ansin, cé go bhfuil sé mídhleathach sa tír seo. Is féidir é a cheannach ar líne i siopaí aitheanta gan aon fhadhb chomh maith.

An focal scoir
B’fhiú dúinn a bheith cúramach agus na páistí i mbun oibre ar an ríomhairí nó agus iad ag baint úsáide as an máisín cluichí sa bhaile. Níor chóir imeacht thar fóir ach b’fhiú díreach suim a léiriú sa rud a bhíonn ar bun ag na páistí.

Réiteach faighte ar fadhbanna Leathan Bhanda faoin tuath.

2009-04-01T14:53:00.003+01:00

Tá réiteach faighte ar fadhbanna leathan bhanda faoin tuath - dár le saineolaithe sa chomhlacht Éireannach Digi-Gaoth Teoranta. Is fadhb mór atá ag an rialtas i láthair na huaire ná na costais mór a bhaineann le infrastruchtúr a chur i bhfeidhm le freastal ar leathan bhanda. I measc na nithe atá i gceist le leathan bhanda a chur ag obair ná aeróga móra, línte teileafóin nua, malartáin nua agus freastalaithe móra cumhachtach a chur ar fáil. Úsáideann na uirlisí seo an-chuid leictreachas, rud a ardaíonn an praghas ar leathan bhanda níos mó fós.

Cosnaíonn an trealamh traidisiúnta seo na billiúin euro le chur isteach. Agus tá an argóint ann go ndéanann an trealamh dochar ó thaobh radharcanna faoin tuath a mhilleadh.

Tá plean ag na saineolaithe seo ná córas gan sreang a chur ar fáil ar costas i bhfad níos lú. An plean atá acu ná aeróg a cur ar barr na muileann gaoithe ar fad agus gur féidir leathan bhanda a sruthú fríd agus ansin aeróg a chur ar barr na tithe gur mian leo leathan bhanda a fháil. Beidh na tithe ansin in ann ceangal leis an idirlíon tríd an muileann gaoithe. Argóint eile atá ag na saineolaithe seo ná go mbeidh ar chumas an aeróg seo a chuid leictreachas féin a ghiniúint agus an leictreachas a chur ar fáil é féin leis an próiséas seo a rith. De réir na saineolaithe seo beidh cánach carbóin breise curtha ar gnáth ceangal leathan bhanda agus nach mbeidh an cánach céanna i gceist leis an ceangal seo de bharr go bhfuil an leictreachas atá in úsáid anseo ‘glas’.

De réir na saineolaithe seo tá an féidirthacht fós ann an córas seo a chur i bhfeidhm in áiteacha nach bhfuil muillean gaoithe ann trí na aeróga beaga seo a chrochadh ar soilse tráchta agus cumhacht an ghriain a úsáid le iad a rith.

Beidh le feiceáil ar conas a éiríonn leis an plean seo ach de réir na tuairiscí is déanaí tá siad i mbun cainte leis na comhlachtaí teileachumarsáide.

Conficker réidh le damáiste mór a dhéanamh – 1 Aibreán 2009!

2009-04-01T14:50:00.003+01:00

Tá péist nua ríomhaireachta réidh le ionsaí a dhéanamh ar na milliúin duine nach bhfuil a fhios acu go bhfuil sé faighte acu cheánna féin. Séard is péist ríomhaireachta ná fabht a fhaigheann ríomhaire ó ríomhaire eile a suíonn ar an ríomhaire gan aon dochar a dhéanamh go dtí go bhfaigheann sé treoir ón cruthaitheoir. I gcás víreas déantar an damáiste láithreach.

An t-ainm atá ar an péist seo ná Conficker, Downadup nó Kido agus aimsíodh é i dtús báire i Mí Deireadh Fómhair 2008. Tá an baol ann go mbeidh an cruthaitheoir nó na chruthaitheoirí in ann seilbh a fháil ar do ríomhaire amach anseo. Meastar go bhfuil an péist seo ag suí ar 15 mhilliúin ríomhaire thart fud an domhain. Is féidir le duine leis an saineolas ceart acu seilbh iomlán a fháil ar na ríomhairí seo. Cur i gcás go raibh an duine seo in ann euro amháin a dhéanamh ar gach ceann de na ríomhairí seo b’fhiú €15,000,000 sin.

Moltar d’úsáideoirí a chinntiú go bhfuil an córas frith-víreas suas chun dáta agus go bhfuil an píosa bogearra KB958644 atá eisithe ag Microsoft agus ar fáil ó www.microsoft.ie ag chuile duine. Moltar chomh maith pasfhocal cliste a phiocadh don ríomhaire. Seachas gnáth focal a phiocadh pioc focal neamhaitheanta agus meascán de uimhreacha, litreacha agus carachtair speisialta a phiocadh m.sh. F01rgn3amh.1 seachas QWERTY nó January.2009.

Tá sé ráite ag na saineolaithe go bhfuil an péist seo chun an dochar a dhéanamh inniu agus go bhfuil an féidearthacht ann go bhfuil líonraí agus ríomhairí thart fud an domhain chun fadhbanna a bheith acu. Tá Microsoft ag tabhairt $250,000 don duine a chuireann ar an eolas iad faoin duine a chruthaigh an péist seo.

De réir roinnt saineolaithe níl an péist seo chun dochar a bith a dhéanamh ach de réir daoine eile déanfaidh sé an-chuid damáiste do líonraí teileachumarsáide thart fud an domhain.

An bealach is fearr leis an péist seo a sheachaint ná a chinntiú go bhfuil an frith-víreas ar an ríomhaire suas chun dáta agus ag feidhmiú, go bhfuil an balla dóiteáin ar an ríomhaire ag feidhmiú agus go bhfuil na nuashonraithe atá á chur ar fáil ag Microsoft suas chun dáta.

Cén dóigh le Outlook Express a shocrú suas? An bhfuil costas air?

2009-04-01T14:44:00.002+01:00

Bhí tairge ag Microsoft darbh ainm Outlook Express go dtí cúpla bliain ó shin. Tháinig an feidhmchlár seo in éineacht le Internet Explorer go dtí leagan a sé de Internet Explorer.

Fadhbanna

Tá neart fadhbanna le Outlook Express agus is é sin an fáth go bhfuil Microsoft tar éis fáil réidh leis ó shin. I measc na fadhbanna a bhí leis ná go raibh an féidearthacht ionsaithe a dhéanamh ar agus na ríomhphoist ar an ríomhaire a scriosadh. Bhí fadhbanna ann ó thaobh an líon feidhmeanna a bhí ar fáil air i gcomparáid le Outlook.

Réiteach na Faidhbe

An tairge a chruthaigh Microsoft le áit Outlook Express a ghlacadh ná Windows Mail. Arís bhí daoine idir dhá chomhlairle maidir leis an tairge seo agus arís bhí fadhbanna ann le feidhmeanna slándála Windows Mail. Ag an am seo bhí athruithe ag tarlú ar an idirlíon ina iomláine. Bhí an ghá feidhmeanna breise agus ilmheán nua-aimseartha a bheith ar fáil tríd na sruthanna nuachta ar fad.

An Leagan Nua

Ar an 7 Mí na Samhna 2007 rinne Microsoft lainseáil ar Windows Live Mail Leagan 12. Le cúpla mí anuas tá Microsoft tar éis Leagan 14 a chur ar fáil. Is leagan feabhsuithe atá anseo a ceartaíonn na fabhtanna a bhí sa chead leagan agus a chur leis an líon feidhmeanna atá ar fáil.

I measc na feidhmeanna nua atá ar fáil ar Windows Live Mail tá:

Tacaíocht do Poist Gréasáin (WebMail) ina measc Hotmail, Gmail agus Yahoo.
Comhéadan úsáideora níos fearr a luíonn isteach leis an leagan amach atá ar na feidhmchláir is déanaí atá ag Microsoft.
Ceangal le Windows Live Contacts
Tacaíocht do sruthanna RSS.
Deilbhíní Emoticon ar fáil. Ar nós an Smiley.
Litriú a sheiceáil
Inbox difriúil ar fáil do chuile seoladh ríomhphost atá agat.
Eagarthóireacht ar iatáin.

Is féidir Windows Live Mail a íoslódáil ag:

http://download.live.com/wlmail

Tá sé go hiomlán saor in aisce agus tá breis eolas faoi ar fail ar suíomh idirlíon Microsoft Éireann ag : www.microsoft.ie

Big Brother ag choinneáil súil orainn uilig

2009-03-25T10:19:00.002Z

Tá sé glactha ag an Rialtas go mbeidh ar gach comhlucht fón & soláithreoirí seribhísí ar an idirlín sonraí i leith gach glaoch fón, teachtairí téacs , ríomhpostanna & na suíomhanna idirlín a thug daoine cuairt orthu , a choimead stórailte ar feadh 2 bhlian le go mbeidh siad ar fáil do na Gardaí ma bhíonn siad i mbun fiosraithe coirriúlachta.

Buntáistí

Tá sé seo ina acmhainn maith do na Gardaí agus cuireann sé bealach fiosrúchán nua ar fáil dóibh. Is féidir leat an-chuid a fháil amach leis na sonraí seo. Cá h-áit ina raibh duine ag am ar léith? Cé lena raibh siad i dteagmháil leo? Céard é an taighde a bhí ar bun acu? Is féidir leat pictiúr maith a fháil ar meoin duine ag am ar leith leis na sonraí seo. Is féidir leat daoine ar strae a aimsiú chomh maith leis na sonraí seo. Gach aon uair a ndéanann duine taisteal is coinnítear taifead de sin ó thaobh an fón póca. Bheadh taifid ann de cá háit ina raibh duine nuair a rinne siad logáil isteach ar an córas ríomhphost atá acu chomh maith.

Príobháideachas

Tá an ceist ann sa lá atá inniu ann an féidir le duine aon rud a dhéanamh go príobháideach. Is cosúil, ag baint úsáide as an córas teileachumarsáide gur féidir leat súil a choinneáil ar aon duine, aon áit, am ar bith. Bíonn daoine míchompordach faoi a leithid agus tá an baol ann go ndiúltóidh an gnáth duine an córas seo agus go mbeadh gearán acu.

Deacrachtaí agus Dúshláin

Is cinnte gur smaoineamh maith atá anseo ach ag amharc ar go praiticiúil bheadh sé fíordheacair é a chur i bhfeidhm sna comhlachtaí cumarsáide. Déantar an t-uafás sonraí a choinneáil faoi scairteanna gutháin agus a leithid in aghaidh an lae. Támuid tagtha chuig an pointe go ndéantar tuairisciú ar scairt guthán in aghaidh an soicind, ceangal idirlíon in aghaidh an cilibheart agus teachtaireacht teacs in aghaidh an litir. Má chuireann tú na sonraí seo le chéile do gach uile duine thar tréimhse dhá bhliain tá tú ag amharc ar líon sonraí ollmhór tá tú ag caint faoi Petabyte nó fiú Exabyte de sonraí stóráilte ag am faoi leith.

An mbeidh costas breise ann don gnáth duine?

Is cinnte go mbeidh ar an gnáth duine díol as an líon stóras breise seo. Níl aon dabht ach go gcosnaíonn córas ríomhaireachta a ndéanann stóráil ar an líon sonraí seo an-chuid airgead. De réir mar atá an líon stóras ag ardú, ardaíonn an costas go mór. Ní chosnaíonn gigeabheart ach cúpla euro ach cosnaíonn petabyte an t-uafás airgead. Mas ghá do na comhlachtaí teileachumarsáide an costas seo a dhíol íslíonn an brabach atá acu agus is cinnte go mbeidh ar na custaiméirí díol as seo.

Smaoineamh Maith?

Smaoineamh iontach maith ach caithfear an cheist a chur faoi na h-impleachtaí atá leis agus an fiúntas a bheas le feiceáil.

Google Street ar fáil anois

2009-03-25T10:14:00.003Z

Tá ghné nua de Google Earth ar fáil anois darbh ainm Google Street. Go dtí seo bhí daoine in ann radharc satilít den domhain a fheiscint ar Google Earth. Is beag rud a bhí tú in ann a fheiscint i gceart ar an radharc seo. Bhí sé maith ó thaobh turas a phleanáil ó áit amháin go áit eile nó foghlaim faoi áiteanna éagsúla ar domhain chomh maith le pictiúir statach a fheiscint.

Le timpeall ar bliain anuas tá Google tar éis an-chuid forbairtí nua a chur le Google Earth ar nós foirgnimh trédhearcach, radharcanna faoin fharraige agus radharcanna ar na réalta agus na pláinéid sa réalt chóras.

Google Earth

An forbairt nua atá acu ná pictiúir atá siad tar éis a ghlacadh le ceamara atá greamaithe ar barr carr agus iad ag tiomaint fríd cathair. Ghlacann an ceamara seo pictiúr gach cúpla meadar agus cuirtear na pictiúir seo le chéile i sraith amháin. Leis an fheidmiúlacht seo is féidir leat dul ar siúlóid insamhlaithe tríd cathair mór le rá.

Go dtí seo sí Béal Feirste an t-aon cathair atá clúdaithe acu ar an oilean seo ach é sin ráite tá siad ag obair ar Baile Átha Cliath, Corcaigh, Luimneach, Gaillimh agus Port Láirge. Má fheiceann tú carr in aon ceann de na cathracha seo le ceamara ait ceangailte ar barr an díon cur meangadh mór gáire ort féin de bharr go bhfuil tú ar fís! An aidhm fadtréimhseach atá ag Google ná go mbeidh an domhain ar fad clúdaithe acu. Is dócha faoin am sin go mbeidh orthu toiseacht arís mar gheall ar go bhfuil an domhain ag athrú chomh gasta sin!

Tá ceist ann faoin príobháideachas atá ag daoine mar gheall ar Google Street agus an mbeidh siad le feiceáil ar líne gan aon cead a thabhairt. Is cinnte go mbeidh siad le feiceáil ach an rud a ndéanann Google leis na pictiúir seo ná go gclúdaíonn siad aghaidh gach duine agus an pláta clárúchán ar na gluaisteáin ar fad. Fós féin tá neart daoine ag gearán faoin seirbhís, go háirithe i mBeal Feirste agus fadhbanna le sceimhlitheoirí faoi láthair. Tá an pointe déanta le tamall anuas gur féidir le sceimhlitheoir aghaidh na Dúin atá ag airm an Ríocht Aontaithe a fheiscint agus ionsaithe a phleanáil.

Bóthar na bhFál, Béal Feirste

Sa todhchaí tá sé easca a shamhlú go mbeidh Google Earth chomh eochrach mar uirlis ghnó is atá Google.com sa lá atá inniu ann. Má cheanglaíonn tú na hacmhainní seo le uirlís GPS is cinnte go mbeadh uirlis an-chumhachtach agat gur féidir leat leas a bhaint as.

Praghas ar an XBOX 360 gearrtha arís

2009-03-25T10:11:00.000Z

Tá an praghas ar an XBOX 360 gearrtha arís. Ag am Nollaig rinne mé léirmheas ar an XBOX agus d’inis mé go raibh an praghas ar an XBOX chun titim tar éis na Nollag. Bhuel, tá sé tarlaithe! Is féidir leat an XBOX 360 Elite leis an cluiche Halo 3 a cheannach ar £199.99. Tá an praghas seo dochreidte nuair a smaoiníonn tú go raibh praghas £299.99 ar an máisín seo ag am Nollaig gan aon cluiche ar chor ar bith! Taispeánann sé seo an moilliú síos atá ag teacht ar an mhargadh. Bí ag súil le gearradh praghas ar an Playstation 3 gan mhoill mar freagra ag Sony.

Fearann nua ar an mbealach – Deis cúpla Euro a dhéanamh?

2009-03-25T10:09:00.001Z

Tá fearann nua molta ag Al Gore don idirlíon darbh ainm Dot Eco (.eco). An rud atá ann i fearann ná na litreacha deireanach i seoladh idirlíon. Na cinn is coitianta sa tír seo ná .com, .ie, .net, .co.uk agus .edu.

Baineann na cinn nua seo le suíomhanna a bhaineann leis an timpeallacht agus cúrsaí timpeallachta i gcomhthéacs téamh domhanda. Chreid nó ná chreid tá siad ag rith amach as focail ar .com faoi láthair, ciallaíonn sé seo go bhfuil orthu teacht suas le fearainn nua.

Tá deis ann airgead a dhéanamh anseo d’aon duine atá ag iarraidh na cinn is luachmhara a cheannach.

Le seachtain anuas tá Toys R Us tar éis $5.1 milliúin a chaitheamh ar an suíomh Toys.com!

Sony Vaio P i gcomparáid leis an Acer Aspire One

2009-03-25T10:06:00.001Z

I dtús báire tá muid chun súil a chaitheamh ar na difríochtaí atá ag na ríomhairí éagsúla.

Costas

Tá costas dochreidte ar an Sony Vaio P. Cosnaíonn sé €1,099 sa Sony Centre i Leitir Ceanainn agus £849 (€922) ar an ríomhaire céanna sa Sony Centre i nDoire.

Cosnaíonn an Acer Aspire One £249 (€270) i PC World. Is praghas an-réasúnta atá anseo d’aon duine atá ag feidhmiú ar buiséad an-íseal.

Córas Oibriúchán

Cuimhne

Crua Dhiosca

Méid an Scáileáin agus Méachan

Tá méachan de 2.78lb ag an Acer Aspire One agus 1.4lb ag an Sony Vaio P.

Próiseálaí

Tá próiseálaí de 1.6Ghz ag an Acer Aspire One agus 1.33Ghz ag an Sony Vaio P. Ciallaíonn sé seo, ar phaipéar, ar aon nós, go bhfuil an ríomhaire níos saoire níos gaiste!

Nithe Breise

Tá ceamara gréasán ag an Sony agus an Acer.

Tá GPS agus Bluetooth ag an Sony, rud nach bhfuil ag an Acer.

An Focal Scoir

Buaiteoir: Acer Aspire One

Praghsanna ar ríomhairí glúine ag ísliú

2009-03-25T10:05:00.000Z

Tá praghsanna ar ríomhairí glúine ag ísliú leis an géarchéim eacnamaíochta. Tá níos lú daoine ag ceannach na ríomhairí seo anois rud a chiallaíonn go bhfuil cogadh praghsanna ar bun idir na siopaí éagsúla. Bhí mé i PC World i nDoire thar na deireadh seachtaine agus bhí sé scanrúil cé chomh saor is a bhí roinnt de na ríomhairí i gcomparáid le sé mhí ó shin. Tosaíonn na praghsanna ag £179.99 anois agus bíonn na siopaí seo solúbtha ó thaobh bogadh ar na praghsanna seo de bharr go bhfuil siad chomh tiomanta ó thaobh díolachán a dhéanamh.

Cánach breise molta ag An Comhaontas Glas ar teachtaireachtaí teacs

2009-03-25T10:03:00.000Z

Tá An Comhaontas Glas ag moladh cánach nua ar teachtaireachtaí teacs. An moladh atá acu ná cánach 1c a chur ar gach teachtaireacht teacs a seoltar sa tír seo. Tá níos mó ná 4 mhilliúin fón póca sa tír seo agus seoltar na billiúin teacs in aghaidh na bliana. Mheasann An Comhaontas Glas gur féidir suas le €1.4 billiúin breise ó thaobh canach a fháil in aghaidh na bliana má thagann an canach nua seo isteach. Tá seans i bhfad níos airde ann go tabharfar an canach nua seo isteach de bharr go bhfuil Eamon Ryan, TD mar an tAire Cumarsáide agus é mar duine sinsearach sa Comhaontas Glas ag an am céanna.

Suíomh Sóisialta Eile ar bun

2009-03-25T10:00:00.000Z

www.twitter.com

Is cosúil go bhfuil an líon daoine atá ag twitteráil ag méadú faoi láthair. Is suíomh idirlíon atá i Twitter a insíonn tú don domhain mór céard atá ar bun agat ag am faoi leith. Glaoitear micreablag ar seo. Is féidir leat uasdátú a dhéanamh ar an suíomh trí teachtaireacht teacs nó tríd an ríomhaire pearsanta san obair nó sa bhaile. B’fhiú smaoineamh faoi súil a chaitheamh ar an suíomh seo le feiceáil conas gur féidir eirí le smaoineamh an-simplí agus an-bhunúsach. I measc na daoine cáiliúla a bhaineann úsáid as Twitter tá Gordon Brown, John Cleese, Jonathan Ross, Lance Armstrong, Britney Spears, Mariah Carey, Richard Branson agus Demi Moore. Faoi láthair meastar go bhfuil suas le 6 mhilliúin úsáideoir ag an suíomh seo.

Súiomh Idirlíon nua ag Seachtain na Gaeilge

2009-03-25T09:58:00.002Z

www.snag.ie

Tá suíomh idirlíon nua ag Seachtain na Gaeilge i mbliana. Thosaigh Seachtain na Gaeilge Dé Luain agus bíonn imeachtaí fiúntach ar bun acu trí mheán na Gaeilge. I measc na spriocanna atá acu ná aitheantas ar an Ghaeilge a ardú go naisiúnta agus go hidirnáisiúnta. I measc na nithe atá ar an suíomh nua tá nuacht, imeachtaí, sonraí faoin dlúthdhiosca atá acu, ilmheán agus comórtais. Is deas a fheiscint go bhfuil an rialtas fós tiomanta ó thaobh infheistíocht a dhéanamh sa teanga cé go bhfuil buiséadú laghduithe le tamall anuas.

Fadhbanna Le Leathanbhanda Agus Na Roghanna Atá Againn

2009-03-25T09:54:00.001Z

Tá an-chuid fadhbanna ag an gcóras leathanbhanda sa tír seo faoi láthair. Go fóill tá níos mó daoine nach féidir teacht ar leathanbhanda sa tír ná daoine gur féidir teacht air. Tá impleachtaí aige seo ar cúrsaí eacnamaíochta na tíre agus todhchaí airgeadúil na tíre. Muna bhfuil an tír seo chun tosaigh sna gnéithe seo ar tíortha eile san Aontas Eorpach támuid chun chailliúint amach ar an-chuid deiseanna eacnamúil. Le teacht an idirlíon tá margadh idirnáisiúnta tar éis leathnú amach go mór. Is beag rud nach féidir leat a dhíol go hidirnáisiúnta 24/7/365 agus an spriocmhargadh don tairge sin a aimsiú. Sé an áit a tosaíonn na deacrachtaí leis an coincheap seo ná nuair nach bhfuil tú in ann leathanbhanda a fháil níl an deis agat leas a bhaint as an margadh idirnáisiúnta seo.

Na fíricí

Tá thart fá 1100 malartáin teileafóin sa tír seo. Ionas gur féidir leathanbhanda a phiocadh suas tá gá le uasghrádú a dhéanamh ar an malartán lena bhfuil tú ceangailte. Go bunúsach is ionann an chéad trí uimhir san uimhir fón agus an malartán. Tá pleananna ag eircom uasghrádú a dhéanamh ar timpeall 400 malartáin. Níl figiúr cruinn ar fáil ach meastar nach bhfuil an bhfigiúir seo níos mó ná 450. Tá eircom ag iarradh ar an gcáiníocóir díol as an chuid eile a uasghrádú (650 malartáin). Faoi láthair mas rud é go bhfuil leathanbhanda ar fáil i do cheantar tá ráta teipe de 20% ann. Sé sin le rá nach féidir le teaghlach amháin i nach cúigear leathanbhanda a fháil fiú mas rud é go bhfuil an malartán uasghráduithe.

Ar chóir go mbeadh ar an cáiníocóir íoc as an uasghrádú?

Sílim go bhfuil cultúr againn sa tír seo go ndéanann an rialtas an obair agus an infheistíocht do comhlachtaí príobháideacha ionas gur féidir leis na comhlachtaí príobháideacha seo an t-uafás brabach a dhéanamh. Tarlaíonn sé seo le an-chuid tograí a bhaineann le infrastruchtúr. Tá comhlachtaí príobháideacha ag déanamh an t-uafás airgead as na “tolls” a bhíonn ar bóithre thart fud na tíre chomh maith le a leithid den Luas agus go leor eile. Is muidne na daoine a chur an t-airgead ar fail leis na tograí seo a cur i gcrích agus ansin caithfimid airgead a dhíol le comhlacht príobháideach leis na haiseanna seo a úsáid. Domsa, ní dhéanann sé seo aon chiall. Is comhlacht príobháideach é eircom anois agus tá siadsan chun an t-airgead a dhéanamh as an seirbhís a chur ar fáil, cén fáth gur chóir go mbeadh orainn díol as an infrastruchtúr chomh maith. An ciall atá le seo ná go mbeidh fíor bheagán forchostais ar eircom agus brabach níos mó. Cur i gcás go raibh comhlacht idirnáisiúnta ag iarraidh siopa a thogáil i Leitir Ceanainn. Bheadh sé míréasúnta ag súil go n-íocfadh na custaiméirí as an siopa a thógail agus a fheistiú agus ansin praghsanna ard a tháiriscint agus an siopa ann.

Cén seans go mbeidh seirbhís leathanbhanda agam ó eircom amach anseo?

Ní bheinn chomh dóchasach go mbeidh seirbhís ‘ceart’ á sholáthar ag eircom go luath amach anseo. Nuair a dheirim ‘ceart’ ‘sé an rud atá i gceist agam ná seirbhís atá ar fáil i ngach teaghlach sa tír. Tá muintir na gealtachta níos fearr as ná an chuid eile den tír de bharr go bhfuil infheistíocht á dhéanamh ag Roinn na Gaeltachta le chinntiú go mbeidh an seirbhís seo ar fáil i ngach teach gaeltachta sa tír, cé nach bhfuil an plean ar fad curtha i bhfeidhm go fóill. I ceantar na Rossa dár le innealtóirí eircom tá cúpla malartán fós le uasghrádú, go príomha, Ceann Casslach agus Ailt an Chorráin.

Cén rogha eile atá againn?

Tá cúpla rogha eile againn ó thaobh leathanbhanda de. Tá rud ar a ghlaoitear leaathanbhanda móibíleach á sholáthar ag 3, O2 agus Vodafone. Úsáideann na córais seo an corás teileachumarsáide móibíleach a úsáidimid do na fóin póca le leathanbhanda a cur ar fáil. Tá roghanna agus praghsanna difriúla ag baint leis an triúir acu.

Trealamh

Níl trealamh casta ag teastáil le ceangal den chineál seo a fháil. Níl ort sreangú breise a chur isteach sa teach agus níl ort líne fón a bheith agat.

Tá dhá rogha ann ó thaobh trealamh de. An céad cheann ná CartaSonraí agus an darna cheann ná MóidéimSonraí. Sé an difir eatarthu ná go n-oibríonn an CartaSonraí le ríomhairí glúine agus oibríonn an MóidéimSonraí le ríomhaire deisce nó le ríomhaire glúine.

Tá luas ard ar fáil ar na ceangail seo de gnáth agus is féidir leat suas le 10GB sonraí a íoslódáil nó uaslódáil in aghaidh na míosa.

Fadhbanna le Ceangal Gan Sreang

Bíonn fadhbanna ag daoine leis an ceangal gan sreang mar gheall ar nach bhfuil slándáil ceart ar na ceangail atá ag daoine sa bhaile. Mas rud é nach bhfuil an slándáil ceart ar an ceangal gan sreang is féidir le duine tiomáint suas go dtí geata do theach agus ceangal suas ar an líonra baile atá agat. Tá sé seo fíor baolach maidir le sonraí a ghoid uait. Go teoiriciúil ag úsáid teicneolaíochtaí difriúil is féidir leo súil a choinneáil ar an uile rud atá á dhéanamh agat ar an ríomhaire taobh istigh sa teach.

Tá neart bealaí ann lena chinntiú nach dtarlaíonn sé seo.

Athraigh na pasfhocail réamhshocruithe

Tagann an ródaire gan sreang le pasfhocail réamhshocruithe iontu. Dé gnáth bíonn a leithid de ‘admin’ mar ainm úsáideora agus mar pasfhocal. Níl aon maith sna pasfhocail seo. Tá siad ar eolas ag na daoine gur mian leo seilbh a fháil ar do cheangal leathanbhanda. Déan cinnte go n-athraíonn tú an ainm úsáideora agus an pasfhocal, mas féidir.
Úsáid meascán de uimhreacha, litreacha beaga, ceann litreacha agus carachtair speisialta sa pasfhocal agus bíodh ar a laghad ocht carachtair in iomlán ann.

m.sh, úsáid 1 in áit i agus 3 in áit e
m.sh. úsáid carachtair ar nós . , # ~ ? *

Cur srian ar rochtain

Gur slándáil bunaithe ar seoladh MAC (media access control) i bhfeidhm. Tá seoladh MAC ag an uile píosa trealamh teicniúil gur féidir ceangal leis an idirlíon. Is féidir bac a chur ar aon píosa trealamh nach bhfuil ar do líosta rochtain a fháil ar an ceangal.

Déan criptiúchán ar na sonraí ar do líonra

Agus tú ag roghnú ródaire gan sreang déan cinnte go dtacaíonn an gléas sin le WPA (Wi-Fi Protected Access). Déanann an teicneolaíocht seo criptiúchán ar na sonraí ar fad a seoltar thar an líonta a athrú sa chaoi is nach féidir le aon duine iad a léamh agus a thuiscint. Is féidir leat an SSID (Service Set Identifier) a athrú le cosc a chur ar daoine fáil fhad le do líonra. Tá sé fíordheacair é a thomhas de bharr go bhfuil sé déanta suas de 32 litir i sraith amháin.

Cur Balla Dóiteáin le do líonra

Is féidir leat balla dóiteáin a chur leis an líonra chomh maith le do ríomhaire pearsanta le slándáil níos fearr a chur ar an líonra.

Déan cinnte go bhfuil frith-víreas suas chun dáta agat

De gnáth bíonn breis tacaíocht ag na feidhmchláir seo le cosaint in éadan Trojan Horses agus Spyware.

An féidir liom ceangal DSL (Digital Subscriber Line) a fháil?

Nuair a labhraíonn duine faoi leathanbhanda is ceangal DSL atá siad ag caint faoi. Go fóill tá an t-uafás teaghlaigh sa tír seo nach féidir an ceangal seo a fháil. Is féidir do líne teileafón a sheiceáil le seo a chinntiú. Tá suíomh idirlíon ag an rialtas le cabhrú leat seo a sheiceáil atá neamhspleách ó comhlacht teileachumarsáide ar bith.

www.broadband.gov.ie

Is féidir leat d’uimhir guthán a cur isteach sa suíomh idirlíon seo agus é a sheiceáil i gcomhair an féidearthacht ceangal DSL a fháil agus ansin beirfidh sé líosta duit de na comhlachtaí ar fad atá ann le freastal ort.

Tá leárscáil acu chomh maith gur féidir leat d’áit féin a aimsiú ann agus a sheiceáil céard iad na seirbhísí atá ar fáil duit.

Ebay.ie

2009-03-25T09:52:00.000Z

EBay

Bíonn an-úsáid á bhaint as EBay sa lá atá inniu ann. Is féidir aon rud ar chor ar bith a cheannach ar EBay. Le bliain anuas tá leagan Éireannach den suíomh ar fáil darbh ainm EBay,ie. An difear idir EBay.com agus EBay.ie ná go mbíonn an líosta tairgí liostáilte in ord difriúil – an cheann is giorra den tír seo ar barr.

Bíonn rudaí ar fáil i bhfad níos saoire ar EBay ná gnáth siopaí. An mbealach a tarlaíonn seo ná nach mbíonn na costais céanna ar na díoltóirí is a mbíonn i gnáth siopa. Is suíomh C2C (Tomhaltóir go Tomhaltóir) atá anseo – sé sin gur féidir le aon úsáideoir rudaí a dhíol nó rudaí a cheannach. Oibríonn an díol seo ar bhonn ceant. Faigheann an duine leis an praghas is airde an tairge.

I dtús báire caithfidh an úsáideoir clárú leis an suíomh. Mar cuid den próiséas seo caithfidh an úsáideoir ainm úsáideora a roghnú agus a chuid sonraí pearsanta a líonadh isteach. Caithfidh tú do chuid sonraí a líonadh isteach i gcomhair íocaíocht. Úsáideann EBay córas darbh ainm PayPal leis na híocaíochtaí ar fad a láimhseáil. Ag úsáid an modh seo is féidir le EBay airgead a chur ar do chuntas má dhíolann tú rud éigin agus airgead a bhaint uait má cheannaíonn tú rud éigin. Ag úsáid an modh seo caithfidh tú cuntas PayPal a chruthú. Bíonn sonraí fút féin agus faoi do charta creidmheasa ag teastáil anseo. Agus an cuntas cruthaithe agat is féidir tosnú ag ceannach rudaí nó ag díol rudaí.

Ceannach

Is féidir tairge ar bith a aimsiú ar EBay. Níl le déanamh ach ainm an tairge a clóbhualadh isteach agus cuardach a dhéanamh. Is beag rud nach féidir aimsiú ar EBay. Mas rud é go bhfuil suim agat tairge a cheannach tá dhá rogha agat. Is féidir dul sa seans nó “Buy it Now” a phiocadh. Mas rud é go bhfuil tú chun dul sa seans níl le déanamh ach cliceáil ar an tairge agus “Place Bid” a roghnú. Anseo líonann tú isteach an méid is mó atá tú sásta a caitheamh ar an tairge. Má ardaíonn an praghas níos airde ná an suim seo caileann tú an ceant mura ardaíonn tú an praghas arís.

Díol

Is féidir leat rudaí a dhíol ar EBay chomh maith. Déanann an-chuid daoine slí bheatha maith as an cur chuige seo. Go bunúsach tá margadh ann d’aon tairge ar bith ar EBay. Mas rud é go bhfuil am le spáráil agat bain triail as cúpla rud a dhíol, cuireadh sé ionadh ort an méid airgead atá le déanamh.

MyEbay

Tá cuid den suíomh gur féidir leat amharc ar na hidirbhirt ar fad atá déanta agat agus teachtaireachtaí a sheoladh chuig díoltóir nó cheannaitheoirí agus aiseolas a fhágáil fúthu. Muna raibh tú sásta le tairge is féidir an aiseolas sin a fhágáil le cabhrú le úsáideoirí eile.

An bhfuil praghsanna maith ann?

Rinne mé féin chuid de mo siopadóireacht Nollag ar an suíomh seo. Ar tairge amháin sábhail mé 50% i gcomparáid le siopa i mBaile Átha Cliath. Tá praghsanna maith ann ach caithfear a bheith cúramach nach dtéann tú thar fóir ó thaobh praghas de. Roghnaigh uasmhéid don tairge sula tosaíonn tú cogadh praghsanna.

Sampla

Mas rud é go bhfuil daoine ag iarraidh breis airgead a dhéanamh le díol as na costais sa teaghlach is sampla maith é ebay. Seachtain ó shin mar tastáil d’imigh mé go Leitir Ceanainn agus Doire le earraí a cheannach le €50. Chuaigh mé chuig na siopaí ríomhaireachta le cluichí don Playstaion, Wii agus Xbox 360 a cheannach ar na praghsanna is fearr go raibh mé in ann a aimsiú. Faoi dheireadh cheannaigh mé cúig cluiche leis an €50.

Praghas Ceannacháin:

Gaelic Games Double Pack (PS2) €12

The Darkness (PS3) €6

Beowulf (PS3) €6

Bioshock (Xbox 360) €10

Iomlán €46

Praghas Díolacháin:

Gaelic Games Double Pack (PS2) €18

Gaelic Games Double Pack (PS2) €20

The Darkness (PS3) €8

Beowulf (PS3) €10

Bioshock (Xbox 360) €16

Iomlán €72

Brabach €26

Ní mórán é €26 ach le fíor bheagán oibre bhí mé in ann airgead a gnóthú. Má dhéantar seo ar scála níos mó is féidir leat slí bheatha a dhéanamh as.

Cúpla nod:

Pioc tairgí a bhfuil suim agat féin iontu
Pioc tairgí a bhfuil éadtrom le costas ar postas a choinneáil íseal
Pioc tairgí nach mbeadh ar fáil i ngach áit ar domhain.
Déan iarracht brabach beag a dhéanamh ar an postas
Bí cinnte go bhfuil meitichlibeanna cliste pioctha agat
Bí cinnte go bhfuil cur síos cruinn déanta ar na tairgí

Facebook ar fáil go h-iomlán trí mheán na Gaeilge anois.

2009-02-11T16:10:00.002Z

www.facebook.com

Is deas a fheiscint go bhfuil facebook fós ag tacú leis an tír seo agus neart comhlachtaí eile ar an mbealach amach. Le seachtain anuas tá Facebook tar éis a dheimhniú go bhfuil siad le leanúint ar aghaidh leis an oifig nua a bheas acu sa tír seo a oscailt.

Rud eile atá déanta acu ná go bhfuil siad tar éis an suíomh idirlíon atá acu a aistriú go Gaeilge. An rud suimiúil faoi seo ná go n-aistríonn siad an suíomh go teanga dúchas an duine eile go huathoibríoch sa chaoi is nach bhfuil Gaeilge ag teastáil ón duine le do profíl a thuiscint. Is forbairt dearfach atá anseo agus comhlacht idirnáisiúnta eile ag léiriú go bhfuil siad tiomanta ó thaobh na Gaeilge de.