Tá an líon díolachán ar feidhmchláir beaga don fón póca ar a ghlaoitear “Apps” le ardú go mór i mbliana.
I measc na nithe a mbíonn á íoslódáil bíonn cluichí, siopadóireacht, líonraí sóisialta agus feidhmchláir áirgiúlachta.
Tá Apple tar éis níos mó na 3 billiúin feidhmchláir a chur ar fáil ó tosaigh sé, staitistic a thaispeánann na deiseanna atá ann sa mhargadh seo.
Le níos mó agus níos mó de na fóin seo ar fáil ó Nokia, Blackberry, Google, Palm agus Apple meastar go dtiocfaidh méadú mór ar an íoslódáil seo.
Cuireann sé seo deiseanna móra ar fáil do fiontraithe na tíre seo mar gheall go bhfuil oiread céimithe ann ar chumas acu feidhmchláir a dhearadh agus a chur ar fáil.
Déantar an-bhrabach as fógraíocht san earnáil seo chomh maith. Déantar an feidhmchlár a thairiscint saor in aisce agus an tairgead a dhéanamh as fógraíocht atá leabaithe sa feidhmchláir.
Ó thaobh an Ghaeltacht de níl aon chúis nach féidir a bheith i mbun gnó san earnáil seo le áiseanna d’ardcaighdean ar fáil agus línte teileachumarsáide ar fáil.
Tá daonáireamh 1911 ar fáil ar líne anois go digiteach. Is féidir cuardach a déanamh ar na sonraí ar fad atá acu agus bun chóip de na foirmeacha a bhí líonta isteach ag daoine ar an óiche sin i mí Aibreán 1911. Bíonn sonraí ar fáil faoi cén teanga a bhí ag na daoine chomh maith le leibhéal liteartha a bhí acu. Is féidir leat a fháil amach faoi slí bheatha na daoine agus cén cineál teach ina raibh siad ina chónaí ann. Tá sé fíor spéisiúil mar uirlis agus d’fheadfá na huaireanta a’ chloig a chaitheamh ag amharc ar na staitisticí agus ag lorg daoine clúiteach. Is féidir leat dul isteach agus amharc ar sonraí aon duine ar bith agus bíonn sé spéisiúil amharc ar na daoine mór le rá ar nós Peig Sayers agus Oliver St. John Gogarty. Chomh maith le sin tá sonraí spéisiúil ann faoi conas mar a bhí an tír seo sa bhliain 1911. Tá pictiúir ann den Titanic á thógáil, foireann peil gaelach Chiarraí a bhain craobh na hÉireann i 1911.
Tá bogearra nua ar fáil anois a ndéanann seiceáil ar gramadach na Gaeilge darbh ainm Ceart. Ceann de na gearáin a bhíonn ag daoine faoin Ghaeilge ná cé chomh casta is atá an ghramadach ar chúl na teanga. Is é Ceart an réiteach ar an scéal sin. Is feidhmchlár leis féin atá sa bhogearra seo. Is féidir leis an úsáideoir aiste iomlán a ghreamú isteach i gCeart agus an doiciméad uilig a sheiceáil. Nuair a aimsíonn Ceart botún tugann sé moltaí don úsáideoir ar conas gur féidir an botún a cheartú.
Níl an bogearra seo costasach, ní chosnaíonn sé ach €29.99 don duine aonarach agus níos saoire fós do scoileanna agus ollscoileanna. Ba chóir d’aon duine atá i mbun oibre trí mhéan na Gaeilge an bogearra seo a cheannach le proifisiúntacht a chuid saothar a fheabhsú. Má úsáidtear an uirlis seo in éineacht le Gaelspell nó litreoir ar bith eile níl aon chúis nach féidir le chuile duine foilseacháin gnó d’ardchaighdéan a sholáthar. Chomh maith leis seo, foghlaimíonn tú trí na botúin a dhéanamh agus iad a cheartú agus píosa ar phíosa íslíonn an líon botúin a bhíonn déanta.
Is féidir cóip chrua den bhogearra a fháil nó cóip a íoslódáil ag an suíomh idirlíon http://www.cruinneog.com/ .
Ar an 24ú Lúnasa i mbliana rinneadh lainseáil ar an tseirbhís ghaelach ar Google Translate. Séard atá ann le Google Translate ná uirlis atá ar fáil ar líne a chabhraíonn le daoine sliocht téacs a aistriú ó theanga amháin go teanga eile. Faoi láthair tá 51 theanga difriúil ar fáil ar Google Translate, an Ghaeilge san áireamh, agus tá teanga ar bith inaistrithe go teanga ar bith eile. Ag an am seo níl sa tseirbhís ach leagan béta, rud a chiallaíonn nach bhfuil an tseirbhís foirfe go fóill. Is féidir leis an ghnáth duine cabhrú le Google an tseirbhís a fheabhsú trí bhotúin a cheartú.
Cén úsáid a bheas ag an uirlis seo sa todhchaí? Tá impleachtaí móra ag an tseirbhís seo ag amharc chun tosaigh. Ag baint úsáide as an teicneolaíocht ar chúl na seirbhíse seo níl aon fáth nach féidir leis an ghnáth duine chuile suíomh idirlíon a aistriú go teanga ar bith fad is atá na sonraí á íoslódáil agus á thaispeáint ar an scáileán. Tugann sé seo deiseanna móra don ghnáth duine ó thaobh réimse léitheoireachta a bheas ar fáil dóibh. Amach anseo is féidir leat a bheith ag súil go mbeidh tú in ann an New York Times nó an Washington Post a léamh go hiomlán trí mhéan na Gaeilge chuile lá, ó chlúdach go clúdach. Rud mór a bheadh anseo don teanga tar éis an bhuille mór thar an Samhradh le himeacht Foinse.
Déanfaidh an teicneolaíocht seo difear mór ó thaobh obair An tAontas Eorpach agus an líon doiciméadú gur féidir leo a sholáthar thrí mhéan na Gaeilge.
Beidh impleachtaí móra le feiceáil chomh maith i dteicneolaíocht na siamsaíochta. Tá chuile seans go mbeidh an teicneolaíocht ar chúl an chláir teilifíse in ann fotheidil a dhéanamh go huathoibríoch ag úsáid teanga amháin mar threoir. Tá an fhéidearthacht ann chomh maith an teicneolaíocht a neadú isteach i gcluichí ríomhaireachta téacsbhunaithe agus na cluichí sin a chur ar fáil trí mhéan na Gaeilge.
I gcás teachtaireachtaí meandaracha níl aon fáth nach féidir le duine as an tír seo labhairt le duine as tír eile ag úsáid dhá theanga éagsúil agus aistriúchán ag tarlú de réir mar atá na teachtaireachtaí á sheoladh.
Seo é an sliocht thuas curtha tríd Google Translate:
An aistriúchán a chruthaigh Google Translate
On August 24 this year the launch of the service carried articles on Google Translate. What existing Google Translate is a tool available online to help people extract text translated from one language to another. Currently there are 51 different languages available on Google Translate, the language included, and any language is transferable to any other language. At this time in service but not beta version, which means the service is not perfect yet. Can usually help people with Google by improving the service to correct errors. What used to secure the future of this tool? Has major implications for this service at front sight. Using the technology behind this service there is no reason why not usually possible with the web site each person to transfer any language so long as the data being downloaded and displayed on the screen. This brings great opportunities for ordinary people in terms of a reading area will provide them. Out here you can expect that you will be able the New York Times or the Washington Post read fully through the Irish language daily, from cover to cover. Which would need the language here after the world over the summer bhuille over Source. This technology will affect the world of work in European Union and the number of documentation that can be provided through the Irish. Major implications will also appear in entertainment technology. Are all likely that the technology behind the television program can automatically make subtitles using one language as a guide. There is also the possibility of embedding technology into computer games and the games that téacsbhunaithe provide through Irish. In the case of instant messages no reason why one can not from this country to speak with someone from another country using two different languages and translation occur as the messages being sent.
Tá péist nua ríomhaireachta réidh le ionsaí a dhéanamh ar na milliúin duine nach bhfuil a fhios acu go bhfuil sé faighte acu cheánna féin. Séard is péist ríomhaireachta ná fabht a fhaigheann ríomhaire ó ríomhaire eile a suíonn ar an ríomhaire gan aon dochar a dhéanamh go dtí go bhfaigheann sé treoir ón cruthaitheoir. I gcás víreas déantar an damáiste láithreach.
An t-ainm atá ar an péist seo ná Conficker, Downadup nó Kido agus aimsíodh é i dtús báire i Mí Deireadh Fómhair 2008. Tá an baol ann go mbeidh an cruthaitheoir nó na chruthaitheoirí in ann seilbh a fháil ar do ríomhaire amach anseo. Meastar go bhfuil an péist seo ag suí ar 15 mhilliúin ríomhaire thart fud an domhain. Is féidir le duine leis an saineolas ceart acu seilbh iomlán a fháil ar na ríomhairí seo. Cur i gcás go raibh an duine seo in ann euro amháin a dhéanamh ar gach ceann de na ríomhairí seo b’fhiú €15,000,000 sin.
Moltar d’úsáideoirí a chinntiú go bhfuil an córas frith-víreas suas chun dáta agus go bhfuil an píosa bogearra KB958644 atá eisithe ag Microsoft agus ar fáil ó www.microsoft.ie ag chuile duine. Moltar chomh maith pasfhocal cliste a phiocadh don ríomhaire. Seachas gnáth focal a phiocadh pioc focal neamhaitheanta agus meascán de uimhreacha, litreacha agus carachtair speisialta a phiocadh m.sh. F01rgn3amh.1 seachas QWERTY nó January.2009.
Tá sé ráite ag na saineolaithe go bhfuil an péist seo chun an dochar a dhéanamh inniu agus go bhfuil an féidearthacht ann go bhfuil líonraí agus ríomhairí thart fud an domhain chun fadhbanna a bheith acu. Tá Microsoft ag tabhairt $250,000 don duine a chuireann ar an eolas iad faoin duine a chruthaigh an péist seo.
De réir roinnt saineolaithe níl an péist seo chun dochar a bith a dhéanamh ach de réir daoine eile déanfaidh sé an-chuid damáiste do líonraí teileachumarsáide thart fud an domhain.
An bealach is fearr leis an péist seo a sheachaint ná a chinntiú go bhfuil an frith-víreas ar an ríomhaire suas chun dáta agus ag feidhmiú, go bhfuil an balla dóiteáin ar an ríomhaire ag feidhmiú agus go bhfuil na nuashonraithe atá á chur ar fáil ag Microsoft suas chun dáta.
Tá suíomh idirlíon nua ag Seachtain na Gaeilge i mbliana. Thosaigh Seachtain na Gaeilge Dé Luain agus bíonn imeachtaí fiúntach ar bun acu trí mheán na Gaeilge. I measc na spriocanna atá acu ná aitheantas ar an Ghaeilge a ardú go naisiúnta agus go hidirnáisiúnta. I measc na nithe atá ar an suíomh nua tá nuacht, imeachtaí, sonraí faoin dlúthdhiosca atá acu, ilmheán agus comórtais. Is deas a fheiscint go bhfuil an rialtas fós tiomanta ó thaobh infheistíocht a dhéanamh sa teanga cé go bhfuil buiséadú laghduithe le tamall anuas.
Cuireann Vodafone Ireland agus Foras na Gaeilge os cionn 25,000 focal agus frása ar fáil duit gan aon stró!
Ar deireadh, tá téacsáil thuarthach i nGaeilge ar fáil do ghutháin
Éireannacha - agus í ar fáil saor in aisce!
Dé Luain 26 Eanáir, 2009: Inniu, lainseáil Vodafone Ireland agus Foras na Gaeilge seirbhís téacsála tuarthaí saor in aisce a thugann an rogha téacsála tuarthaí i nGaeilge do chustaiméirí. Sheol Aoibhinn Ní Shúilleabháin agus iar-chaptaen foirne Chiarraí, Dara Ó Cinnéide, a bhain Craobh na hÉireann sa Pheil, an tseirbhís i mBaile Átha Cliath inniu.
Feidhmchlár nua de chuid Vodafone is ea Téacs a ligeann duit teachtaireachtaí téacs a scríobh ar d'fhón i nGaeilge trí úsáid a bhaint as téacsáil thuarthach i nGaeilge. Léirítear leis seo na gnáthnósanna téacsála atá ag úsáideoirí fóin phóca Éireannacha. San áireamh tá na focail is mó a úsáidtear i nGaeilge, chomh maith le hainmneacha, logainmneacha, bailte etc,.
San fheidhmchlár tá corpas Gaeilge cuimsitheach ina bhfuil os cionn 25,000 focal agus frása. Cuirtear lántacaíocht ghramadúil ar fáil do na focail Ghaeilge choitianta uile lena n-áirítear na focail le huaschamóga ar nós na mbriathra san aimsir chaite chomh maith le focail a bhfuil fleiscíní iontu.
Cé go bhfuil an feidhmchlár á chur ar fáil ag Vodafone mar íoslódáil saor in aisce, tá sé ar fáil do gach úsáideoir fóin phóca. Níl le déanamh ach próiseas simplí agus iomasach a leanúint trí chuairt a thabhairt ar http://wap.teacs.ie/ agus dul trí na treoracha simplí, atá curtha ar fáil, céim ar chéim. Agus é suiteáilte, tá an custaiméir in ann Téacs a oscailt ar a f(h)ón agus téacsáil leo i nGaeilge.
Agus sonraí na seirbhíse á bhfógairt, dúirt Carolan Lennon, Stiúrthóir Tomhaltóirí, Vodafone Ireland, "Ciallaíonn tús na seirbhíse nua seo go mbeidh custaiméirí ar mian leo téacsáil i nGaeilge, in ann é a dhéanamh go héasca ar réimse leathan sásanna láimhe. Creidimid go mbeidh tionchar an-dearfach ar úsáid na Gaeilge ag an gcumas atá ann téacsáil thuarthach a dhéanamh i nGaeilge gan aon ghá le teicneolaíocht nua go háirithe i measc daoine óige sa chóras oideachais a bhfuil SMS mar phríomh-mhodh cumarsáide dóibh."
“Tá ríméad orainn go bhfuil an tseirbhís ar fáil anois saor in aisce mar íoslódáil do dhaoine a bhfuil spéis ar leith acu sa Ghaeilge ar fud oileán na hÉireann, is cuma faoin líonra lena bhfuil siad agus tá súil againn go rachaidh sí i bhfeidhm go mór ar an nGaeilge agus ar an úsáid laethúil a mbaintear aisti.”
Ag caint faoin tseirbhís, dúirt Ferdie Mac an Fhailigh, Príomhfheidhmeannach Fhoras na Gaeilge: "An cur chuige atá ag Foras na Gaeilge maidir le forbairt na teanga ná an fháil atá ar an teanga agus an úsáid a bhaintear aisti a spreagadh agus a chothú. Táimid ag obair le Vodafone le roinnt mhaith blianta le seirbhís téacsála a fhorbairt do chainteoirí le Gaeilge líofa agus do dhaoine a bhaineann úsáid as 'cúpla focal' anois agus arís. Leis an tionscnamh seo tá i gceist breis daoine a chumasú le 'cúpla focal' a úsáid san aois seo a nglaoitear aois na cumarsáide uirthi."
“Agus an Ghaeilge níos sofheicthe i ngach gné den saol, tugann an tseirbhís seo an deis duit téacsáil a dhéanamh i nGaeilge gan aon stró. Is cúis áthais dúinn a bheith ag obair le Vodafone ar an tionscnamh fiúntach seo agus táimid ag dúil le húsáid a bhaint as an tseirbhís."
I saol na ríomhairí ní fhanann aon rud mar an gcéanna. Athraíonn an teicneolaíocht taobh istigh de cúpla mí. An seachtain seo caithimid súil ar chuid de na forbairtí a tharla thar an samhradh. Beidh muid ag dul níos deimhne istigh sna hábhair seo na seachtain atá romhainn.
Microsoft Windows Vista - Service Pack 1
Tá Microsoft tar éis feabhas a chur ar Vista thar an samhradh (buíochas le dia). Go dtí seo bhí fadhbanna mór le Vista agus an bealach a mbíonn sé ag feidhmiú. Tá an-chuid daoine a ndeireann cur céim ar chúl atá ann seachas céim chun tosaigh. Le cúpla mí anuas tá Microsoft tar éis “Service Pack 1” a eisiúint le dul i ngleic le chuid de na fadhbanna seo. Má tá leathanbhanda ag daoine agus Windows Vista ba chóir dóibh SP1 a íoslódáil agus a chur ar an ríomhaire. Déanann sé difir ollmhóir ó thaobh luas an ríomhaire.
Microsoft Windows Vista – Trí Ghaeilge
Tá raflaí ann go bhfuil Microsoft ag obair ar leagan gaelach de Windows Vista a bheas ar fáil ag deireadh 2008 nó ag tús 2009. Déanfaidh sé seo difir mhór do pobail na hÉireann ag gach aon leibhéal idir oideachas, seirbhísiú agus gnó. Beidh muid ag choinneáil súil géar ar seo idir seo agus an Nollaig.
Leagan nua de Mozilla Firefox ar fáil
Thar an samhradh rinneadh lainseáil ar an leagan is déanaí den brabhsálaí clúiteach Firefox, Leagan 3.0. Tá an brabhsálaí seo i bhfad níos gaiste agus níos sábháilte
ná Internet Explorer. Is féidir an brabhsálaí seo a íoslódáil trí mheán na Gaeilge chomh maith agus déanann sé seiceáil ar an litriú gaelach agus tú ag úsáid Bebo, Facebook, MySpace, Yahoo, Hotmail nó suíomh idirlíon ar bith. B’fhiú é a thriail.
Gléasanna Siamsaíochta
Playstation 3
Tá Sony tar éis an Playstation 3 a feabhsú thar an samhradh trí an méid stóras a ardú go dtí 80GB agus d’fhógair siad le seachtain anuas go mbeidh sé seo ag ardú go dtí 160GB i mí Mean Fómhair. Chomh maith le seo tá gléas stiúrtha nua acu darbh ainm an DualShock 3 in áit an SixAxis a bhí acu.
XBOX 360
Tá Microsoft tar éis Xbox 360 nua a lainseáil le spás stórála de 60GB a lainseáil. An fáth go bhfuil sé seo á lainseáil acu ná go bhfuil siad ag iarraidh ar daoine an Xbox a úsáid mar uirlis stórála do cláracha teilifíse agus scannáin.
Sony PSP
Tá Sony tar éis uasghrádú a dhéanamh ar an Sony PSP trí scáileáin níos fearr a chur ar fáil agus trí micreafón a chur isteach sa ghléas. An uimhir múnla ar an ghléas nua ná PSP-3000.
An chéad fón-póca Gaelach
Tá Samsung tar éis láinseáil a dhéanamh ar an chéad fón póca gaelach riamh. An Tocco an t-ainm atá air.
Anois is féidir leat teacs a scríobh tí Ghaeilge ag an luas céanna le ceann trí Béarla. Chomh maith le sin tá na bogearraí ar fad ar nós an clár aistrithe go Gaeilge. Seo céim mór chun tosaigh don teanga agus is cinnte go mbeidh ar na comhlachtaí eile ar nós Nokia agus Sony Ericsson an sampla seo a leaniúint.
Ceisteanna ón Lucht Éisteachta
Má tá aon ceisteanna ag an lucht éisteachta nó aon ábhar ríomhaireachta ar mhaith libh a bheith cludaithe ar an clár téigh i dteagmahail linn barrscealta@rte.ie.