Sladmhargadh na seachtaine seo ná teilifís atá ar díol ag Argos sa Phoblacht agus i dTuaisceart Éirinn. An déantús ar an teilifís ná LG agus is teilifís 32 orlaigh atá ann. Tá an fheidhmiúlacht ann íomhá ardghléine a léiriú trí na soicéid HDMI a úsáid. Ghlacann an teilifís seo le plugóid SCART chomh maith le plugóid Composite.
LG 32 Orlaigh (32LG3000 HD Ready)
€580 sa Phoblacht £400 / €475 i dTuaisceart Éirinn Uimhir Catalóg Argos: 529/3063
An rud scannalach maidir leis an teilifís seo ná go bhfuil praghsanna iomlán difriúil ann idir an Phoblacht agus Tuaisceart Éirinn cé gurbh é an siopa céanna atá i gceist. Sa Phoblacht sé an praghas nua atá ar ná €579.99 thíos ó €751. Sna sé chontae sé an praghas atá ar an teilifís ná £399 agus is ionann seo agus €475 ag na rátaí aistriúcháin ráthúil. Dá bhrí sin is féidir leat €105 breise a shábháil duit féin trí é a cheannach in Argos i dTuaiceart Éirinn. 'Sé an uimhir catalóg atá ag an teilifís seo ná 529/3063.
Sa lá atá inniu ann tá an-chuid feidhmeanna breise ar an fón póca. Ní amháin gur féidir leat scairteanna guthán a dhéanamh. An seachtain seo támuid chun súil a chaitheamh ar cuid de na feidhmeanna breise atá ar fáil agus gur chóir smaoineamh faoi agus tú ag ceannach fón póca.
Ceamara
Ar an chuid is mó de na fóin póca bíonn ceamara ann. Déantar an ceamara seo a mheas bunaithe ar an líon meigapictilíní atá ar fáil. Mas rud é go bhfuil an líon meigapictilíní níos lú ná 3mp níl an íomhá ar caighdeán ard go leor le é a phriontáil go héifeachtach. Tá roinnt ceamaraí ar an mhargadh agus 8mp ar fáil orthu. Ardaíonn an ceamara ceisteanna faoi príobháideachas. Is féidir grianghraf a ghlacadh de duine agus gan fios acu féin. Is de bharr seo gur cuireadh cosc ar na fóin seo a úsáid in ionaid spóirt agus i linn snámha agus seomraí feistis. I measc na feidhmeanna atá ag an ceamara seo ná físeáin a thaifead. An cás is cáiliúla de mí-úsáid an físcheamara ná bás Saddam Hussein ag deireadh 2006. Bhí na heachtraí le fheiscint ar an idirlíon go gairid tar éis an eachtra.
MP3
Sá lá atá inniu ann is beag duine nach bhfuil tar éis a chloisteáil faoi MP3 agus an chaoi gur féidir an cartlann ceol a digitiú. Ar a lán fóin is féidir leat éisteacht leis an ceol seo agus fiú é a íoslódáil díreach ón idirlíon chuig an fón. Tá an líon stóras ar na fóin ag ardú chomh maith agus bíonn líon stóras suas go 8GB ar roinnt fóin.
Raidió
Is féidir leat éisteacht leis an raidió ar an fón. Is raidió analógach atá ann i láthair na huaire ach beidh an feidhmiúlacht ann éisteacht le raidió digiteach gan mhoill. Ardóidh sé seo an caighdeán fuaime ar an raidió agus an líon áiteanna gur féidir leat an comhartha raidió a phiocadh suas.
Teachtaireachtaí Teacs / Ilmheán
Is féidir leat teachtaireachtaí teacs a sheoladh ar gach fón póca ach bíonn feidhmeanna breise ann ó thaobh ilmheán ag brath ar an fón atá in úsáid.
Idirlíon
Is féidir teacht ar an idirlíon ar an-chuid fóin sa lá atá inniu ann. Tá an deis ann brabhsálaí breise a suiteáil ar an fón ar nós Opera agus amharc ar an fíor idirlíon in áit an idirlíon móibíleach. Caithfear a bheith cúramach agus tú ag úsáid an idirlíon. B’fhiú pacáiste a cheannach a ligeann duit méid áirithe sonraí a íoslódáil sa mhí. Muna bhfuil an pacáiste seo agat cosnaíonn gach aon meigibheart €14 in áit 3c. Ardaíonn úsáid an idirlíon ceisteanna mór do tuismitheoirí. Déanann tuismitheoirí gach rud gur féidir leo ó thaobh na paistí a chosaint agus iad ag úsáid an ríomhaire baile le fáil fhad leis an idirlíon. Bíonn pacáistí ar nós NetNanny in úsáid againn. Caithfear an rud céanna a dhénamh ar an fón póca. Tá rud ar a glaoitear Safety Net ag Vodafone le cosc a chur ar daoine dul fhad le suíomhanna nach bhfuil in oiriúint do phaistí.
Ag déanamh cinneadh
Agus tú ag ceannach fón póca nua b’fhiú cinneadh a dhéanamh bunaithe ar na nithe atá liostáilte san alt seo. Bí cinnte go ndéanann tú a sheiceáil an bhfuil tú i dteideal uasghrádú. Uaireanta is féidir leat fón saor in aisce a fháil de bharr go bhfuil tú i dteideal an uasghrádú seo.Bí cinnte go roghnaíonn tú an pacáiste ó thaobh praghas atá in oiriúint duit. Déan cinnte athchúrsáil a dhéanamh ar an fón, glacann an-chuid eagrais ar nós Trocaire le sean fóin le fiúntas na daoine boichte ar domhain.
An seachtain seo caite bhí mé ag labhairt faoin mbealach a bhain Barak Obama leas as an nuatheicneolaíocht le tacaíocht a fháil i feachtas uachtarántachta Mheiriceá. Tá an scéal tar éis bhriseadh an seachtain seo go bhfuil Obama ag baint níos mó leas as an nuatheicneolaíocht. Tá suíomh idirlíon cruthaithe aige darbh ainm change.gov. I measc na nithe atá ar an suíomh seo ná na scéalta is déanaí maidir le Obama. Chomh maith le seo scríobhann Obama agus a comhghleacaí Joe Biden Blog a mbíonn uasdátú déanta air gach lá. Is sampla eile atá anseo de na nósanna polaitiúla atá Obama ag cur chun cinn. Is cinnte go mbeidh sé in ann lucht leanúna níos óige a mhealladh leis na nósanna seo agus is sampla atá an do na polaiteoirí agus na páirtithe polaitiúla sa tír seo.
An seachtain seo caite bhíomar ag labhairt faoin leagan amach nua ar an suíomh idirlíon carzone.ie. Tar éis níos mó taighde a dhéanamh ar an suíomh seo tá sé soiléir go bhfuil daoine nach bhfuil chomh ionraice sin ag baint leas as an suíomh le airgead a ghnóthú go mídhleathach. Agus tú ag déanamh cuardach ar an suíomh déan cinnte go bhfuil tú tar éis an “Seller Type” a athrú go dtí “Simi Dealer” sa chaoi sin is féidir a bheith cinnte go bhfuil do chuid airgead sábhailte agus go bhfuil tú chun carr le stair ceart a fháil.
Tá an 7up Christmas on Ice arais an Nollaig seo agus gach eolas faoi ar fáil ar an idirlíon chomh maith le ticéid a chur in airithe. I mbliana tá siad i Leitir Ceanainn agus is féidir gach eolas a fháil faoin ócáid sin a bheas ar siúl idir 28 Samhain agus 4 Eanair. An praghas atá ar ná €50 in aghaidh an clann.
XBOX 360 + Gears of War 2 + Gears of War + Fallout 3 = £199.99/€245
Le seachtain anuas tá an-chuid daoine tar éis a bheith i dteagmháil liom maidir leis an Microsoft XBOX 360 agus cá háit gur féidir an praghas is fearr a fháil. Seo é an praghas is fearr atá feicthe agam ar an idirlíon ar XBOX úr nua. An gnáth costas ar an máisín seo ná €230 gan aon cluichí. Tá luach €135 ar na cluichí a thagann leis an pacáiste seo agus níl ach €15 sa bhreis le díol.
D’aon duine atá le toiseacht ar an siopadóireacht Nollag go gairid b’fhiú súil a chaitheamh ar play.com. Is suíomh idirlíon atá ann a ndíolann earraí leictreach, cdanna, dvdanna, cluichí ríomhaireachta agus go leor eile. Bíonn tairgí speisialta acu gach lá ar sladmhargadh.
De ghnáth is féidir leat 20% a shábháil ar an praghas ar cluiche, dvd, leabhar nó cd. B’fhiú súil a chaitheamh ar an suíomh le chuid de na praghsanna is déanaí a fheiscint.
Má tá aon moltaí agaibh faoi praghsanna maithe atá feicthe agaibh ar líne le tamall anuas ná bíodh imní oraibh aiseolas a fhágáil ar an leathanach seo trí "comments" a roghnú faoi bhun an alt seo. Beidh mé ag déanamh píosa beag cainte ar na praghsanna is lú gur féidir a aimsiú idir seo agus am Nollag.
Le blianta anuas tá daoine tar éis a bheith ag fhógairt gluaisteáin ar an suíomh idirlíon carzone.ie. Bhí roinnt fadhbanna leis an suíomh ó thaobh an mbealach a gur féidir cuardach a dhéanamh ar an chineál gluaisteán a bhí ag teastáil uait. Ní raibh tú ach in ann cuardach a dhéanamh ar múnla amháin ag an am agus ní raibh bealach ar bith idirdhealú a dhéanamh ar an chineál inneall a bhí sa ghluaisteán, idir peitreal agus díosal agus méid an inneall.
Tá sé sin athruithe anois. Tá athdhearadh iomlán déanta ar an suíomh agus an mbealach gur féidir cuardach a dhéanamh. Anois is féidir cuardach solúbtha a dhéanamh bunaithe ar na nithe seo a leanas:
Múnla Bliain Corp Breosla Praghas Méid an inneall Mílte Tarchur Dath Contae Doirse Cineál Díoltóir
Is féidir meascán de na nithe thuas a roghnú ag an aon am amháin agus cuardach ar nós gach volkswagen díosal le dath dearg air idir na blianta 2006 agus 2008. Déanann sé i bhfad níos easca an tasc an carr ceart ar an praghas ceart a aimsiú.
Faoi láthair tá deacrachtaí móra i gceist leis an margadh darna láimhe do ghluaisteáin de bharr go bhfuil an oiread sin ar díol agus an easpa airgead san eacnamaíocht, rud a chruthaíonn easpa daoine ag cheannach. Faoi láthair tá 66,870 gluaisteáin liostáilte ar an suíomh seo 1,243 acu i nDún na nGall. De bharr go bhfuil an oiread sin liostáilte agus easpa daoine ag ceannach tá na luachanna ag titim, rud a chiallaíonn go seo am maith le gluaisteáin maith darna láimhe a cheannach, fad is gur féidir leat lámh a leagadh ar an airgead atá ag teastáil.
Seo roinnt samplaí de na praghsanna atá ar fáil faoi láthair:
Is beag duine atá ar an eolas faoi Linux. ‘Séard atá ann ná córas oibriúchán saor in aisce atá in iomaíocht leis na córais atá ag Windows. Tá sé bunaithe ar an sean córas UNIX. Níl sé deartha le brabach a dhéanamh agus le obair deonach ar fad a chuirtear le chéile é. Tá an méid den mhargadh atá ag Linux ag méadú i gcónaí agus tá an-chuid bogearraí á chur ar fáil le leagan speisialta atá deartha le feidhmiú le Linux.
Stair
Rinne fear darbh ainm Linus Torvalds an chéad leagan de Linux i 1991. Bhí Torvalds mar mac léinn ollscoile ag an am agus bhí an píosa bogearra seo mar chuid den tráchtas a chur sé le chéile. Ón am sin ar aghaidh thosaigh daoine ag cur suim i Linux agus ag baint úsáid as sa bhaile agus san obair. Thosaigh dreamanna triú pháirtí ar nós Slackware, Debian agus Red Hat ag cur suim i Linux agus ag déanamh forbairt ar.
Úsáid
Asus Eee PC
Tá leaganacha den Asus Eee PC ar fáil le Linux mar córas oibriúchán. Meastar go feidhmíonn na ríomhairí glúine seo níos gaiste ná na leaganacha le Windows mar córas oibriúchán.
Acer Aspire One
Seo ríomhaire glúine eile atá ar fáil in an-chuid siopaí ar praghas an-íseal. Chonaic mé é ar díol thar na deireadh seachtaine i siopa i Chiarraí ar €260.
Dell
Tá Dell ag díol ríomhairí anois leis an córas oibriúchán Linux orthu. Siad na ríomhairí le Linux atá acu ná an Inspiron 1420N, Inspiron 1525N agus an XPS M1330.
OLPC
Seo an ríomhaire atá ag MIT agus an aidhm atá acu ná an ríomhaire a chur ar fáil do gach páiste scoile ar domhain. An costas ar an ríomhaire seo ná thart ar €119.
Playstation 2 agus Playstation 3
Is féidir Linux a chur ar an Playstation 2 agus an Playstation 3. I rith na seachtaine chur mé Linux ar an Playstation 2 sa bhaile agus anois feidhmíonn sé ar nós gnáth ríomhaire deisce. Is féidir dul ar an idirlíon, próiseáil focal a dhéanamh, na cuntais sa bhaile a dhéanamh i scarbhileog.
iPod
Is féidir Linux a chur ar obair ar an iPod chomh maith agus níos mó feidhmeanna a chur ar fáil.
Todhchaí
Is córas an-chumhachtach í Linux a feidhmíonn i bhfad níos fearr ná Windows ar go leor bealaí. Tá sé díreach chomh easca céanna le Windows ó thaobh úsáid de. Tá níos lú seans víreas a fháil ar ríomhaire le Linux de bharr go bhfuil formhór de na víreas deartha le ionsaí a dhéanamh ar tairgí Microsoft. Tá na milliún paistí scoile ag úsáid Linux in ait Windows le gearradh siar a costais bogearraí ach tá gach aon seans go leanfaidh na paistí scoile seo ar aghaidh ag úsáid Linux amach anseo. De bharr nach úsáideann Linux an oiread céanna achmhainní chuimhne le Windows is féidir saolré nua a thabhairt do sean trealamh le Linux. Níl aon rud ag stad duine ag cur Windows agus Linux ar an ríomhaire céanna agus an cinneadh cén córas atá ag teastáil a dhéanamh agus an ríomhaire ag toiseacht suas. Is cinnte go bhfuil todhchaí gheal ag Linux agus go bhfuil an líon úsáideoirí chun dul i méid.
Le Déanaí tá chuid mhór cainte faoin margadh tithíochta in Éirinn. Bíonn gach duine ag labhairt faoin mbealach a bhfuil praghsanna ag titim agus an dochar atá déanta do eacnamaíocht na tíre dá bharr. Tá daoine óga agus iad tar éis morgáistí móra a fháil agus iad ag amharc ar easnamh cothromais amach anseo. Rud nach bhfuil an-chuid de na saineolaithe ag labhairt faoi ná cén céatadán de titim atá tar éis teacht ar praghsanna tithe agus is cinnte go bhfuil difir sa céatadán seo ag brath ar cén chuid den tír ina bhfuil an teach. Tá daoine eile a fheiceann an margadh mar atá ann faoi láthair mar deis infheistíocht a dhéanamh. Is cinnte go dtiocfaidh an margadh arais agus is cinnte go mbeidh daoine ag déanamh infheistíocht le brabach a bhaint amach sa todhchaí.
An seachtain seo támuid chun súil a chaitheamh ar suíomh idirlíon a ndéanann léirmheas ar agus a choinníonn súil ar na athruithe atá tagtha ar luach tithe thar tréimhse. Phiocann an suíomh seo suas ar aon athrú atá tagtha ar teach ón chéad lá a cuireadh fógra suas ar an idirlíon ag fógairt go bhfuil an teach ar díol. An t-ainm atá ar an suíomh seo ná www.treesdontgrowtothesky.com .
Ag amharc ar cuardach ar Gaoth Dobhair ar an suíomh seo tá sé soiléir go bhfuil an praghas ar tithe ag titim. An ísliú is mó a bhí mé in ann a phiocadh suas i gcás teach i cheantar Gaoth Dobhair ná Cúl na Toinne, béal doras le Óstán Radharc na Mara. Tá an praghas ar na tithe sin titithe 22.9% ón am gur tháinig siad ar an mhargadh. ‘Sé sin athrú ó €240,000 go €185,000.
Tá Station Homes atá taobh le Oifig an Phoist, Gaoth Dobhair titithe 21.5%. Thosaigh siad amach ag €325,000 agus anois tá siad €255,000.
Don mór chuid siad tithe atá in eastáit tithíochta atá ag chailliúint an méid is mó luach i nGaoth Dobhair.
Tá ceantracha eile sa tír atá níos measa as. Tá teach galánta i Whiddy Island, Bantry Bay íslithe 51% ó €1,000,000 go €490,000.
Tá teach i Killiney i mBaile Átha Cliath, ait ina bhfuil na réalta mór le rá agus na daoine gnó mór le rá ina chonaí ar an suíomh le titim 50% ar an praghas ó €4,500,000 go €2,250,000.
Tá an cuid is mó de na athruithe seo tar éis tarlú in imeacht leathbhliain. Má fhanann daoine píosa beag am breise seans go mbeidh íslithe eile ann agus an deis tithe a cheannach ar praghsanna an-réasúnta.
Tharla an buiséad inné i dTeach Laighean, Baile Átha Cliath. As an méid a bhí cloiste tá ar gach duine smaoineamh faoi a chuid caiteachas agus ar bealach amháin nó ar bealach eile gearradh siar ar an líon caiteachas bliantúil a bhíonn acu. Tá an cuma ar na staitisticí nach bhfuil aon duine sa tír nach bhfuil thíos leis an méid atá tarlaithe. Uaireanta bíonn sé deacair teacht ar na fíricí a bhaineann leis an buiséad ach tá neart acmhainní ar fáil ar líne le tacú linn. Inniu támuid chun súil a chaitheamh ar cuid de na acmhainní sin.
www.finfacts.com Seo suíomh atá dírithe go hiomlán ar cúrsaí airgeadas agus chéanna féin tá an-chuid anailís déanta acu ar an buiséad agus céard a chiallaíonn sé do gach duine. I measc na nithe atá acu ar an suíomh seo tá ailt nuachta atá scríofa i gcomhpháirtíocht le Deloitte agus neart staitisticí maidir le eacnamaíocht na tíre thar tréimhse roinnt blianta. Tá bosca speisialta ar an suíomh chomh maith a ndéanann déileáil leis an príomh pointí a eascraíonn as an méid a chur Brian Lenihan ar fáil inné.
www.budget.gov.ie Seo an suíomh oifigiúil atá ag an rialtas ó thaobh an buiséad de. Ar an suíomh seo is féidir leat an tráchtas ar fad a chur an tAire Airgeadas ar fáil a léamh. Tá gach rud anseo ar fáil trí mhéan na Gaeilge chomh maith.
www.rte.ie/money/budget2009 Seo an suíomh idirlíon atá curtha le chéile ag RTÉ don buiséad. Tá an t-uafás ar fáil ar an suíomh seo idir tuairisc nuachta, raidió agus teilifíse. Bíonn altanna nua curtha ar an suíomh seo an t-ám ar fad. Déanann an suíomh seo plé ar na himpleachtaí atá ann do gach chineál duine. B’fhiú do gach duine súil a chaitheamh ar an suíomh seo.
Áireamhán Cánach Ernst and Young - www.eybudget.ie Tá an suíomh seo deartha le insint duit céad iad na himpleachtaí atá ann dóibh. Is féidir a chur isteach cén ioncam atá agat agus an stádas pósta/clainne atá agat agus an ioncam tar éis cánach a oibriú amach.
Tá bunachar sonraí de logainmneacha na hÉireann cruthaithe ag Fiontar (DCU) agus An Brainse Logainmneacha (An Roinn Gnóthaí Pobail, Tuaithe agus Gaeltachta) ar an suíomh seo. Cuireadh tús leis an gcéad chéim den obair in Aibreán 2007 agus seoladh Bunachar Logainmneacha na hÉireann go poiblí ag tús Dheireadh Fómhair 2008.
Tá an acmhainn seo dírithe ar riachtanais iriseoirí agus aistritheoirí, mac léinn agus múinteoirí, mar aon le staraithe agus taighdeoirí ginealais. Áis don phobal atá ann, d’Éireannaigh sa bhaile agus thar lear, agus spreagfaidh sí spéis i saibhreas agus i saíocht logainmneacha na hÉireann. Ba é sprioc an tionscadail na logainmneacha uile atá deimhnithe ag an mBrainse Logainmneacha a chur ar fáil don phobal ar an Idirlíon agus iad inchuardaigh i nGaeilge agus i mBéarla, agus na gnéithe seo a fhorbairt freisin: Córas aistriúcháin chun tiontú comhuaineach Gaeilge-Béarla agus Béarla-Gaeilge a dhéanamh ar liostaí logainmneacha. Fuaim a chur le logainmneacha áirithe. Tá comhaid fuaime curtha le cuid de logainmneacha Chontae Phort Láirge, Chontae na Gaillimhe agus Chontae Dhún na nGall. Cuirfear comhaid fuaime le contaetha eile de réir a chéile. Tuilleadh eolais... Nótaí eolais ar chúlra logainmneacha áirithe. Tá íomhánna scanta de chuid den fhianaise staire ar fáil ar an suíomh faoi ‘Taifid chartlainne’. Beidh cuid de na taifid sin á n-ionchur i riocht inchuardaigh sa chomhéadan poiblí de réir a chéile.
Rinneadh an leagan píolótach den suíomh a thástáil i bpáirt le buíonta úsáideoirí ó Aibreán go Meán Fómhair 2008. Bhí taithí agus tuairiscí na ndaoine seo an-luachmhar agus an leagan deiridh á fhorbairt.
logainm.ie (an dara céim) 2009-2010 Faoin gcéim seo den tionscadal déanfaidh FIONTAR cúram de bhainistiú an bhunachair agus déanfar cóiriú breise air. Faoin gcéim seo freisin, déanfar obair eagarthóireachta ar a bhfuil sa bhunachar cheana agus leanfar den obair fuaime agus d’ionchur na dtagairtí stairiúla. Déanfar na gnéithe seo a fhorbairt freisin: Áiseanna léarscáilíochta do shuíomh logainm.ie. Cruthófar áis chuardaigh agus áis le torthaí cuardach a léiriú ar léarscáil. Acmhainní oideachais do dhaltaí scoile sa bhunscoil agus san iar-bhunscoil agus do mhic léinn tríú leibhéal. Áiseanna breise don phobal ar nós nótaí míniúcháin ar ghnéithe de na logainmneacha. Áiseanna idirghníomhacha le go bhféadfadh an pobal eolas a chur ar fáil faoi logainmneacha faoi leith.
An Aontas Eorpach ag cur leathanbhanda ar fáil do gach duine
Tá an Aontas Eorpach ag obair ar plean leathanbhanda a chur ar fáil do gach aon teaghlach san Aontas. Faoi láthair tá an-chuid tíortha, an cheann seo ina measc nach bhfuil fáil ag céatadán ard den daonra ar leathanbhanda. Ar an taobh eile den scéal tá tíortha eile agus iad i bhfad chun tosaigh ar nós An Danmhairg, Lucsamburg agus an Bheilg, áit gur féidir 100% den na daoine ceangal leathanbhanda a fháil sa bhaile. De réir staitisticí reatha ní féidir le ach 36% den daonra san Aontas Eorpach ceangal leathanbhanda a fháil, figiúr atá i bhfad ró-íseal agus nach bhfuil ag tacú le fiontraíocht.
Sé an impleacht atá ann nuair nach féidir leat teacht ar ceangal leathanbhanda ná go mbíonn an eacnamaíocht thíos leis. Amharc ar an líon daoine gur féidir leo fostaíocht a chruthú dóibh féin mas rud é go bhfuil ceangal leathanbhanda ar fáil dóibh. Níl aon rud ag stopadh duine ag chruthú gnó beag ar a leithid de eBay ag díol gach sórt rud. Tá aithne agamsa ar daoine a ndéanann slí bheatha deas compordach as eBay, ach is féidir dearmad a dhéanamh de seo muna bhfuil an luas ceart ar an ceangal idirlíon.
Tá sé mar aidhm ag an Aontas Eorpach an reachtaíocht seo a fháil déanta faoi 2010 agus é a bheith ann go dlithiúil. Feicfimid conas mar a éiríonn leis an plean seo.
iPod Nano nua ar an Mhargadh
Tá Apple tar éis lainseáil a dhéanamh ar iPod Nano nua. Sé an rud atá sa Nano ná an iPod is lú le scáileán físe. Is féidir éisteacht le ceol ar an máisín beag seo nó amharc ar scannáin. An praghas ar an iPod seo ná thart ar €139 don leagan 8GB agus €189 don leagan 16GB. Is dócha an rud is nuálaí san iPod seo ná an chaoi gur féidir é a bhogadh agus athraíonn an leagan amach ar an scáileáin ag brath ar cén bealach a bhfuil tú ag amharc ar.
Is dócha ceann de na rudaí is fearr faoi lainseáil den chineál seo ná go titeann an luach ar an sean iPod Nano. Níl aon rud cearr leis an sean iPod ar chur ar bith agus beidh tú in ann iad a phiocadh suas ar luach an íseal sna seachtainí atá amach romhainn. Chonaic mé go bhfuil an praghas orthu tar éis titim €50 i roinnt siopaí i Leitir Ceanainn.
Tá anlionra.net ag dul ó neart go neart faoi láthair agus an líon úsáideoirí ag méadú ar an suíomh idirlíon cumhachtach seo. Oibríonn sé an-chosúil le Bebo ach amháin go bhfuil gach uile rud trí mheán na Gaeilge. Is féidir leat Fís, Fuaim, Grianghraif, blaganna agus eolas fút féin a chur ar fáil ar an suíomh seo agus cairde nua a dhéanamh. Tionchar mór ar an suíomh seo ná an líon foghlaimeoirí thar lear agus iad ag iarraidh cleachtadh a fháil agus snas a chur ar a chuid Gaeilge. B’fhiú an suíomh seo a thriail.
Tá stáisiún raidió nua ann don aos óg darbh ainm Raidió RíRá. Craoltar an stáisiún seo ar-líne amháin. Is féidir éisteacht leis na scéalta is déanaí faoi na réalta is mó ar domhain agus pé scannal a chloisteáil atá ar fáil. Tá altanna ann gur féidir a léamh chomh maith. Is féidir vótáil ar shon amhrán a chloisteáil am ar bith. Tá an suíomh seo an-snasta agus ba chóir súil a chaitheamh ar!
Le blianta fada bhí costas an-ard ar ríomhaire glúine a cheannach. Dá bhrí sin bhí daoine amhrasach faoi infheistíocht mór a dhéanamh agus ceann a fháil. Is ar an chúis seo a raibh daoine fós ag ceannach ríomhaire deisce.
Le blianta beaga anuas tá an praghas ar ríomhaire glúine tar éis titim go mór agus anois is féidir leis an gnáthdhuine ceann a cheannach agus gan an banc a bhriseadh. Chreid nó ná chreid tá an praghas ag titim go fóill agus anois is féidir ríomhaire glúine measartha maith a cheannach ar thart fá €300. An bealach a bhfuil sé seo á dhéanamh ná sean teicneolaíocht a úsáid ar bhealaí nua-aimseartha.
An seachtain seo támuid chun súil a chaitheamh ar chuid de na ríomhairí glúine seo gur féidir a cheannach ar praghas an-íseal ach atá fós maith go leor leis an gnáthdhuine a shásamh agus na jabanna a bheas acu a chomhlíonadh.
Uaireanta glaoitear fó-ríomhaire glúine ar na ríomhairí seo de bharr go bhfuil siad níos lú ná gnáth ríomhaire glúine cé go bhfuil siad fós cuíosach cumhachtach.
MSI Wind Seo ríomhaire glúine a d’athraigh an mhargadh seo go hiomlán. Nuair a tháinig sé amach i mbliana. Don chéad uair bhí an feidhmiúlacht céanna ar fáil i ríomhaire saor agus beag is a bhí ar fáil i ríomhairí móra. I measc na gnéithe atá ar fáil tá WLAN, Bluetooth, ceamara gréasán, Windows XP, 1GB cuimhne agus 80GB spás stórála ar an crua dhiosca. An praghas molta ar an MSI Wind ná $399.
Advent 4211
Tá an Advent 4211 díreach cosúil leis an MSI Wind. Tá na comhpháirt mar an gcéanna agus an t-aon difir ná go bhfuil sé i mbosca difriúil agus branda difriúil ann. Is féidir an MSI Wind a cheannach i raon dathanna difriúil ach leis an Advent ní féidir é a fháil ach i dath dubh amháin.
Asus EEE PC
Seo ríomhaire eile a bhfuil an-éileamh ar faoi láthair agus an crua earraí an-chumhachtach ann chomh maith. Sé an córas oibriúchán ná Windows XP, le crua díosca 12GB, cuimhne 1GB, WiFi, Bluetooth, Ceamara Gréasán agus tá an ríomhaire seo an-éadrom. An praghas molta ar an ríomhaire seo ná €410.
Acer Aspire One
Seo an fóríomhaire glúine atá ag Acer. Déanann sé an rud céanna leis an comórtas ar fad. Úsáideann sé an próiseálaí céanna leis an Advent 4211, an Intel Atom agus tagann sé le crua díosca 120 GB agus 1GB cuimhne. An praghas molta ar an ríomhaire seo ná $349.
Níl agam anseo ach an praghas molta. Tá gach seans gur féidir na ríomhairí seo a cheannach ar praghas níos ísle fós ar a leithid de eBay.
Faoi láthair támuid ag fheiscint an-chuid athruithe ar eacnamaíocht an domhain. Gach aon seachtain tá rudaí ag dul in olcas ó thaobh airgead sa phóca agus praghsanna ar na seilfeanna. Le roinnt seachtainí anuas tá sé tagtha chun solais go bhfuil chuid de na comhlachtaí is mó ar domhain i gcruachás, ar nós Lehmann Brothers, AIG, Merrill Lynch agus XL Travel. Níl ansin ach chuid an bheag acu. Agus aimsir eacnamaíochta mar sin ar an mbealach bíonn daoine ag iarraidh airgead a shábháil ar pé dóigh gur féidir leo. Is féidir acmhainní teicneolaíochta a úsáid le cabhrú leat cuid de na cinní is tábhachtaí a ghlacadh.An seachtain seo támuid chun súil a chaitheamh ar chuid de na achmhainní is fearr atá ar fáil dúinn le airgead a shábháil, agus creid nó ná chreid, is féidir na mílte euro a shábháil in aghaidh na bliana ag úsáid na hacmhainní seo.
Value Ireland (www.valueireland.com) Seo suíomh idirlíon a foilsíonn ailt nuachta agus a ndéanann léirmheasanna ar conas cur féidir airgead a shábháil sa bhaile. I measc na réimsí atá ag an suíomh seo ná SSIA, róthaillí, leictreachas, cearta custaiméara, árachas, costais fóin, sladmhargaidh, ag cur airgead i dtaisce agus seirbhísí tacaíochta nach bhfuil ag teastáil. B’fhiú súil a chaitheamh ar chuid de na leideanna atá ag an suíomh seo....tá gach seans go mbeidh tú níos fearr as.
An Rialtóir Airgeadais (www.itsyourmoney.ie) Bíonn an rialtóir airgeadais ag cosaint tomhaltóirí na hÉireann chomh maith. Idir costais beag agus mór tá neart eolas ar fáil ar an suíomh seo. Sé ceann de na costais is mó a bhíonn ag duine ná an morgáiste. Is annamh go smaoiníonn duine ar bealaí ar conas airgead a shábháil ar a leithid de dliteanas agus chreid nó ná chreid tá bealaí ann le an-chuid airgead a shábháil. Tá áireamháin ann le comparáid a dhéanamh idir na comhlachtaí airgeadas ar fad.
Pumps.ie (www.pumps.ie) Le roinnt blianta anuas tá an praghas ar ola tar éis ardú chuid mhór. Bíonn deacrachtaí ag daoine díol as na costais carr a choinneáil ar an bóthar faoi láthair. Seo suíomh gur féidir le gnáthdhaoine a choinneáil suas chun dáta agus na praghsanna is saoire a fhógairt ann. Faoi láthair sé an praghas is ísle atá á fhógairt ag an suíomh seo i gcomhair peitreal ná 120.9c in aghaidh an lítear thíos i Phort Láirge. An praghas is lú atá ag áiteacha i dTír Chonaill ná Tinneys ag an Dry Arch ar 124c in aghaidh an lítear. Oibríonn an suíomh seo ar an fón póca chomh maith mas rud é go bhfuil tú ar turas fada agus ag lorg praghsanna íseal.
Níl anseo ach sampla an bheag. Is féidir leat airgead a shabháil ar aon rud le píosa beag taighde déanta agat ar-líne. Céard fáoi dream cairde ag comhoibriú lena chéile leis na praghasanna is ísle a aimsiú. Is cinnte má chaitheann daoine vóta leis an phóca tosóidh na praghasanna ag titim!
Le cúpla bliain anuas tá comhlachtaí ríomhaireachta tar éis a bheith ag dearadh gléas nua darbh ainm an e-Reader. ‘Sé atá i gceist ná ríomhaire beag le scáileáin, cúpla cnaipe agus ceangal idirlíon. Tá sé i gceist ag na comhlachtaí teicneolaíochta mór le rá go mbeidh na gléasanna seo ag glacadh ról an leabhar traidisiúnta. An seachtain seo támuid chun súil a chaitheamh ar na gléasanna e-Reader is coitianta atá ar an mhargadh faoi láthair.
Sony Reader
Tá an gléas seo at fáil i Mheiriceá agus Ceanada le bliain nó dhó anuas. Rinneadh lainseáil ar, ar an taobh seo den domhain an seachtain seo caite. ‘Siad Waterstones an díoltóir oifigiúil faoi láthair. Tá cuimhne stórála de 200MB ag an gléas seo faoi láthair. Is cinnte nach mórán atá anseo i gcomhthéacs íomhánna móra agus fuaimeanna ach is féidir an-chuid teacs a stóráil i 200MB, cé gur féidir MP3 a bhualadh ar an gléas. Tá uirlis darbh ainm Sony Connect ann atá an-chosúil le iTunes a ligeann duit leabhair leictreonach a cheannach agus a íoslódáil. Sé an praghas atá ar an gléas seo faoi láthair ná $260. Measaim go bhfuil an praghas seo beagánín iomarcach de bharr an easpa spás stórála agus an easpa feidhmiúlacht atá ag an Sony Reader. Go teoiriciúil is féidir leat scéalta a léamh ar an Sony PSP chomh maith le éisteacht le MP3anna, amharc ar scannáin, cluichí a imirt agus dul ar an idirlíon. Ní chosnaíonn an PSP ach €180.
Amazon Kindle
Tá macasamhail an Sony Reader ag Amazon. Sé an t-ainm atá ar ná an Kindle. Rinne Amazon lainseáil ar an gléas seo i Mheiriceá i Mí na Samhna 2007. Faoi láthair an praghas atá ar an gléas seo ná $359. An spás stórála ar an gléas seo ná 256MB, cé gur féidir seo a mhéadú le carta SD a phlugáil isteach. Is féidir MP3anna a bhualadh ar an gléas seo. Is féidir leabhar a íoslódáil ó Amazon agus é a léamh. Is smaoineamh maith atá ann ach tá na leabhair leictreonach seo i bhfad róchostasach faoi láthair. Cosnaíonn leabhair nuafhoilsithe $10, praghas atá i bhfad ró-ard do leabhair nach bhfuil agat go fisiceach.
iRex iLiad
Tá comhlacht eile ag déanamh tairgíocht ar e-Reader. An ceann atá acu ná an iLiad An cuimhne atá ag an gléas seo ná 256MB agus arís is féidir sin a mhéadú trí carta SD a chur leis. Faoi láthair an praghas atá ar an gléas seo ná €649, praghas atá i bhfad ró-ard, d’fhéadfá ríomhaire glúine an-mhaith a cheannach ar an praghas seo!
Ar chóir e-Reader a cheannach?
Measaim go bhfuil an teicneolaíocht seo an-óg go fóill. Níl go leor fheidhmiúlacht ag na gléasanna go fóill. Dá mba rud é go raibh mé ag dul amach le gléas a cheannach ar €400 bhéinn ag súil le níos mó na leabhair snasta! Tá gá le praghas na leabhair digiteach a laghdú chomh maith. An moladh atá agam ná fanacht cúpla bliain go dtí go n-eiríonn na gléasanna seo níos cumhachtaí.
